單身都唔怕！10樣估你唔到 1人前做的開心事

其實1個人除了上淘寶瘋狂shopping外，還有很多事情可以令自己開心的。以下10件「估你唔到獨人會做的事」，正正可以體現何謂「其實自己一個更開心」！

Text-專題組

單身做的10件開心事

1. 單拖食情人節套餐

當1對對情侶煩惱如何慶祝情人節時，獨人A會選擇去間精緻的西餐廳，昂首行入餐廳並大大聲講「我1個人！」以後點了份$1,314的情侶套餐，令自己成為餐廳裏的大射燈。

2. 1個人去影樓影相

近年不少人會和家人或朋友去影樓留倩影，但獨人B就選擇1個人去影樓影相，話擺任何他想擺的「甫士」之餘，重話「終於唔使再影『一齊跳起』或舉V字手勢等7甫士」。

3. 隔位買電影飛

雖然冇拖拍，但其實同道「獨人」亦可聯合起來「做大事」，好似一班獨友去戲院買戲飛揀位時，有默契地每隔一個位買一張票，令該場戲沒有2人連位，這群「聯合軍」就如漫畫《稻中乒團》的「去死去死團」。想拖住手仔依偎着睇戲？下次吧！

4. 走入便利店刺穿避孕套

大時大節，情侶愛意特濃時都會共赴巫山，現代人性知識水平高，防禦設施當然會做足。但瘋狂的獨人C（真人真事），就希望世界上增添更多小獨人，令獨L界多添成員，於是乎他們就到便利店把避孕套刺穿……不過，以上行為是故意破壞別人財物，要負上刑事負任，切勿以身試法！

5. 1個人行婚紗展

獨人行婚紗展見到準新人一對對不是很「眼冤」嗎？錯！據某婚宴專家說，新人在籌備婚宴時因意見不合，吵架的機會率極高，尤其行婚紗展。獨人D見到這些情景當然「心都涼晒」，還可以走近吵架的情侶「放冷箭」說陰話﹕「真係諗清楚先好吖，咁就一世……」火上加油！

6. 獨享任食打邊爐/放題

秋風起，又是時候任飲任食打邊爐或去食放題儲熱量，但一般火鍋店都是「最低消費2個人」，獨人E不想約朋友但又想打邊爐，於是豪氣地俾2人價錢，享受1個人的打邊爐，霸氣盡現。

7. 1個人跟團去旅行

雖然不少人選擇1個人去旅行，但通常都是自由行，獨人F卻選擇報旅行團，話可以「識多啲人」之餘，又可以免卻制定行程的煩惱，更有機會1個人獨享1間房（雖然更大機會要和領隊同房）。

8. 1個人去唱k

唱k都是三五成群的活動，但獨人G甘願去唱「孤獨的k」，因為可以做足2個鐘「mic霸」，重話終於不用同10幾人輪唱〈勁歌金曲〉了！

9. 1個人去主題樂園

獨人H表示：「我1個人去搵威威司令同米奇老鼠唔得呀？約來約去都就唔到班friends時間，就算約到一齊去，有啲又話怕玩跳樓機、有啲又話玩過山車會嘔……結果又係我自己1個人玩，咁不如自己1個人去好過！」

10. 1個人睇話劇

文青獨人J不時都會1個人去睇話劇，話能夠專心留意舞台上每個細節，會比較投入劇情當中。不過唯一缺點是因為他買了單人位，他身旁就出現1個吉位，令該場次未能「全院滿座」……

內容延讀：

為男生平反！男人眼中錫女朋友的5個行為

>>LIKE我們fb<<<
www.facebook.com/newmonday.com.hk