【藍橘子】 《原來而家嘅中學生已經唔識周杰倫》
【藍橘子】 《原來而家嘅中學生已經唔識周杰倫》
部分內容由博客提供及授權轉載，不代表本刊立場！
最近同親戚個仔講起一個話題，佢讀緊中二，起初我問佢鍾意聽咩明星嘅歌，佢答我淨係會聽韓文同英文歌。
傾到到一半，我問佢識唔識周杰倫？
佢話唔識呢個人，完全未聽過佢啲歌…
我再畀周杰倫嘅相佢睇，佢話未見過，仲問我係咪韓國明星嚟。
喂大佬啊！而家唔係講緊周華健喎，呢個年代小朋友可能未必識周華健，但而家講緊周杰倫啊！Jay Chow啊！
「識打藍球、揸AE86飄移、同霍元甲一齊霍霍霍霍嗰個周杰倫喎！」我。
「周子瑜我就識…」
嗰一刻，我成個世界觀幾乎崩塌，竟然會有人唔識周杰倫？！
但諗深一層，原來周杰倫已經出道咗十七年，當年我親戚都未出世…
佢唔認識周杰倫都好正常。
當年，我第一次認識周杰倫係聽緊收音機，播緊佢首《開不了口》。當時我心諗：「呢條友唱咩…」
因為電台連續幾日都播緊呢緊歌，旋律開始入腦。我上網搵返歌詞先理解到佢唱乜，覺得歌詞好有趣，唔似一般情歌咁簡單。
我第日就衝去CD舖買晒周杰倫當年出咗嘅兩隻碟，就係嗰一刻，我就開始成為Jay迷。
兩隻碟日播夜播，一出新碟就即刻買。當年香港仲未流行youtube，想喺網絡搵片嚟睇好難，又搶唔到演唱會飛，只好一出碟就即時買。
到我認識咗女朋友，瘋狂用Jay嘅歌洗佢腦，令佢都鍾意埋一份。
直到十幾年後嘅今日…我真係好想睇一次周杰倫演唱會，但我依然搶唔到演唱會飛…
由出道開始就鍾意嘅一個明星，永遠都覺得佢嘅新歌就係潮流。
但原來，對現今嘅年輕人嚟講已經又老又娘，可能韓團先叫做最潮嘅明星。
正如當年我介紹老豆聽周杰倫，老豆依然只覺得最正嘅係校長譚詠麟，阿媽永遠覺得張國榮先配得上靚仔。
我幻想到十年後，陳奕迅同周杰倫開一個類似「左麟右李」嘅演唱會，我興高采烈咁入場支持，覺得呢個係世紀難得一見嘅台場演出。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
