【藍橘子】《每晚都遇見一個男人有屋企唔返,獨自坐公園 》

熱話

廣告

【藍橘子】《每晚都遇見一個男人有屋企唔返,獨自坐公園 》

text-藍橘子photo-電影截圖、Youtube截圖edit︰希彤

儘管我唔需要着比堅尼,夏天都係跑步減肥嘅好日子。

以香港咁潮濕嘅天氣,加上夏季嘅氣溫,我落街跑十分鐘已經滿頭大汗,感覺賺過喺冬天跑…

所以,最近我每晚都會落樓下跑四十五分鐘。而我每晚,都會見到同一個着住西裝嘅男人,佢坐喺公園樓下點住支煙,玩手機聽歌。

我唔知佢由幾時開始坐,但每次我跑完四十五分鐘返屋企,佢都仲繼續坐喺公園,埋頭苦幹玩佢嘅手機。

到底呢個男人點解放咗工唔返屋企?我一直都好想知,但又唔可能咁八卦去問佢。所以雖然每晚跑步時都見到佢,但我一句說話都無同佢講過。

前幾日,我跑完步諗住返屋企,沿途經過公園,而呢個男人,佢一邊講電話,一邊急急腳離開。我

諗可能係屋企人有事搵佢,所以要趕返屋企。

但估唔到嘅係,原來呢個男人唔單止同我住同一幢大廈,仲搭埋同一部lift。

「每晚都會落嚟跑步?」男人突然開口同我講嘢,嚇咗我一跳。

「夏天先跑…出多啲汗嘛,哈哈。」

「哦~其實我都想跑吓步,年紀大,要做多啲運動先得,不過着住西裝唔太方便。」

我承認自己真係好八卦,我終於忍唔住開口問佢:

「點解你唔返屋企換套衫再落嚟跑?」

「唔得喇~屋企人以為我好夜先放工,突然咁早返去就穿煲啦!你知唔知我點解成日喺公園坐?」

「我真係好想知點解,但唔好意思問…」

「當你有咗自己嘅家庭,就會明白。我唔係話想逃避責任。返工要討好老闆,放工要做個好老豆、

要做個好老公…每日要揹住咁多個身份,真係好攰…」

「所以你每日放工就落去公園坐?」

「我想放低晒所有身份,食支煙,玩吓手機,唔需要做任何表情,唔需要講嘢,幾粒鐘係完全屬於自己嘅時間。」

呢個時候,lift到…

男人行出走廊,深呼吸一口氣。由面無表情,換上一個有自信嘅笑容。

走廊盡頭有個女人拖住個小妹妹喺門口等緊佢,望住男人直挺挺嘅背影,我知道,佢已經開始扮演緊一個好爸爸好老公角色。

內容延讀:
【藍橘子】《父親每次只吃魚頭,背後的道理讓我記一輩子》
>>> LIKE我們fb <<<
fb.com/newmonday.com.hk

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!