【藍橘子】《睇咁多年獎門人教曉我的事》

熱話

廣告

以前細個,星期日食完晚飯,一定會同屋企人排排坐喺梳化,睇《超級無敵獎門人》。

Text:藍橘子 Photo:電視截圖

內容由博客提供及授權轉載,不代表本刊立場

到我長大咗,梳化坐多咗個人,就係我女朋友,當年係睇《鐵甲無敵獎門人》。

又到近期已經無乜睇電視,但有時都會開電腦睇返重播。獎門人咁多年嚟,做完又做,節目名換過

好多次,講終極篇,點知換個名又嚟過…

獎門人身邊嘅長老換完又換,身邊有人紅咗就走,一去無回頭,亦有人一直留喺身邊。

此外,節目亦見證住唔同年代嘅口味,由一開始,遊戲考驗明星智慧、急才、反應…
超級無敵馬拉松,次次網上有重溫片段都會睇,當時仲請到唔少大明星上節目。

當開始大家覺得悶,節目變成以獎門人嘅威名令明星出洋相,明星成臉cream、跌落水…令觀眾棒腹大笑。

又隔一排,大家開始批評獎門人遊戲無聊老土抄襲,為咗要女嘉賓走光,特別設計各種遊戲同鏡頭。
但無計,雜誌媒體最鍾意就係報導明星走光,觀眾又真係最鍾意睇。

所以,全城都鬧爆獎門人作為一個輕鬆遊戲節目,唔需要為收視而做到咁。

不過咁多年嚟,有一樣傳統係獎門人一直都無變過。

就係『打和』。

每次見長老問獎門人究竟邊隊贏,獎門人總係擺一擺弄雙手講「打和」。初時睇到覺得好無癮,其中一隊仲要輸得咁明顯,玩遊戲點可以打和啊!

睇耐咗、習慣咗,再諗深一層,乜輸贏真係咁重要咩?

無論工作、學業、就連射精前…

香港人乜都要贏,樣樣都要比其他人更強、更多、更快,乜唔攰咩?

香港生活模式愈來愈窄,讀書唔升大學,乜有得揀咩?當你以為讀到好嘅大學,將來就會有得揀,

點知個社會好多嘢原來都係無得揀。

跑到氣咳,終點亦只得一個,就係買樓!

買到樓就係贏,買唔到樓就輸。

其實…有時我都好想獎門人行出嚟同我講…

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!