【張晨】《返工求咩？求一個會「落手做嘢」嘅上司囉》
【張晨】《返工求咩？求一個會「落手做嘢」嘅上司囉》
text-張晨 photo-電影截圖﹑Youtube截圖
內容由博客提供及授權轉載，不代表本刊立場。
好多時，上司呢個角色係好微妙嘅。
你覺得佢好忙，但又唔知佢忙咩。
因為所有嘢，落手做嘅都係你。
佢好似負責落完指令，之後就會隱形。
到件事完咗，佢就會閃出嚟，話「呢度唔好」、「嗰度唔好」。
出到嚟成績唔錯，係佢指揮得好；
出到嚟成績唔好，係你執行得差。
到你想問佢意見，
佢又會望住電腦，秒秒鐘幾百萬上落咁，話「我晏少少覆你。」
坦白講，你唔係好服佢，因為你根本唔知佢有冇料。
呢個世界，實在太多「冇料上司」。
好多人覺得做咗阿Head，
就要扮晒司令官，坐喺度淨係做「Judgment」，「落手做」等於倒退。
根本就錯晒。
我人生中遇過最好嘅上司，就係會同你一齊「落手做嘢」。
佢未必次次出手，但有需要時一定落場。
例如我今次做得差，佢畀完Comment，會講「下次我同你一齊做啦。」
之後佢就落手，示範畀我睇，最後件事Result真係好好。
哇，我佩服到五體投地。
另一次佢落場都衰咗，佢都會認，同我講「今次我都7咗，當教訓，下次唔好學我啦。」
其實佢大可以將責任推落我度，
但佢冇，有器量擔起個責任。
真係「得一上司如此，死而無憾。」
或者，江湖跑老，膽子跑小，
做隻「馬後炮」自然最Easy，
你可以永遠扮係「神枱人物」。
但職場好簡單，你一日唔出手，我一日未見過你啲料，內心只會剩回一句
「無料扮四條」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
