【張晨】《總有個人攀山涉水,只為同你講句生日快樂》

熱話

廣告

【張晨】曾經曾經,好耐之前,有個中學同學,每年都會打我屋企電話,同我講句「生日快樂」。

細個覺得有啲煩,大個先知都係一種浪漫。

我哋經過有汽球提示嘅ICQ年代、
靠Email Address估生日嘅MSN年代、
到呢家「xxx’s birthday is today」嘅Facebook年代,

一句「生日快樂」嘅份量仲有幾重?
我諗答案不言而喻。

好多人甚至喺生日前席,Close the Wall,
避免一些廉價嘅「Happy Bday」。

祝賀有廉價,但亦有啲係「貴價貨」。
依然有人會攀山涉水,用盡方法,表達一句「生日快樂」。

記得有一次,
朋友生日搞咗一個Party,其實大部份人我都唔識或唔熟,
出席無疑係有啲面懵,
但我都去,親口同佢講聲「生日快樂」,同佢飲幾杯,傾兩句,
稍稍逗留,就道別離去。

佢問我做咩唔坐多陣,我話目的已經達到。
佢問我咩目的,我簡單講:「親身同你慶祝生日囉!」

笑一笑,大家再飲一杯。

人與人之間,感情嘅地位未必對等。
你重視佢,唔代表要人哋重視返自己。

但「攀山涉水」嘅一句生日快樂,其中嘅深意,唔係想打擾你,
只係想話你知,我仲記得。
而且你值得。

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!