【張晨】《一個傾冷門話題嘅朋友,簡單就係價值連城》

熱話

廣告

【張晨】成長過程之中,我哋喺「傾計」呢個環節上學識咗「遷就」。

Text:張晨 Photo:網上圖片

因為大家都試過好多次「自討沒趣」。

知道唔係每一個話題對方都感興趣。

早喺Sailor moon年代,你其實係對外太空有興趣,想知咩係海王星同天王星,
但一講起,對方只對火野麗同水野亞美有反應,
嚴格嚟講,佢係對件水手服有反應。

 

 

年月累積,唔同場合你都見識過,亦都學習咗…

為免Dead Air,你只會揀一啲「大家都搭到嘴」嘅話題,即係熱門嘢,例如 「Facebook就快可以畀dislike」、「Hugh Jackman好型」、「特首你睇好邊個呀」咁。

冇錯,成枱人都可以口沬橫飛,但你根本只係「陪笑」。
呢啲話題只係確保有人參與,
但自己並唔想參與。

不過你明白,若然講啲咩海王星同天王星、Protoplanet Theory、古代遺跡,成枱人只會O晒嘴,心諗你做咩春,表面點頭,但藐嘴藐舌尷尷尬尬。

每個人,都有啲無甚人知嘅興趣,
既然無甚人知,所以你唔講都冇人知。

但係,你唔敢講,你怕冇人明,所以你冇傾訴對象。
冇人知你幻想過做太空人、
冇人知你其實好迷伊滕潤二、
冇人知你熟悉晒高達嘅編年史。

好運嘅係,你以為冇人知,但最後總一兩個人知。
因緣際會,呢一兩個朋友會知道咗你嘅冷門興趣,
而難得嘅係,佢都係同路人,甚至狂熱過你。

感覺就好似如獲至寶,
因為冇好深嘅認識、少咁份信任,都唔會出現呢個「因緣際會」。
你哋一整晚嘅話題可能只係一本冷門漫畫、冷門電影、冷門理論。
內容局限,但伸延無限。

喺呢個處處壓抑,度度面具嘅社會,
你終於搵到一個人,同你傾到欲罷不能。

內容延讀:
40歲仍是 小鮮肉?盤點5位娛圈凍齡男星
>>> LIKE我們fb <<<
fb.com/newmonday.com.hk
 

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

關鍵詞
張晨朋友