【張晨】《你的唱K必唱歌單，有轉變過嗎？》
【張晨】《你的唱K必唱歌單，有轉變過嗎？》
Text- 張晨 Photo-電影截圖﹑Youtube截圖、唱片封套
內容由博客提供及授權轉載，不代表本刊立場
近日同朋友們講起唱K呢個話題，大家似乎都冇太大衝勁。
明明細細個呢班老死都係「無K不歡」，
試過「貓頭鷹」、朝早7am爬起身唱「Morning K」。
時至今日，唱K呢項活動反而愈離愈遠。
有人認為係「年紀問題」，
但其他朋友就指出另一個重點：
「每個人都有批必點歌，而呢批歌，近十年有變過咩？」
我即時諗到幾首愛曲， 包括《死性不改》（男女混雙Version）、《人來人往》同《富士山下》。
前面兩首應該都過咗10年，15年都嚟緊頭。 最後一首《富士山下》，原來都已經「轉眼十年」 。
近期好Hit嘅廚神霆鋒，首本名曲《玉蝴蝶》，實過咗10年。 台灣代表《說謊》好啲，但都已經9年…
呢批歌，原來早就喺K房唱足10年… 當然中間有啲新歌穿插下， 但去到K房，你拎住Remote篤下篤下，好容易又會點返「必唱歌單」。
需知道，「一首歌你肯聽」同「一首歌你肯唱」係兩個層次。 而呢十年，要搵到一首「你想唱嘅歌」並不容易。
十年前你唱K，市面仲有好多你想唱嘅歌， 份「歌單」成日變， 有時唱唔晒，自然想「擇日再K」。 但近十年，感覺就係一種「重覆」。
不斷唱同一批歌，漸漸就冇咗意慾。 一隻幾好玩嘅Game，重玩100次都會膩。 尚記得樂壇盛世時，有啲歌係未派台先有「唱K Version」， 變相網上流傳嘅都係唱K時撳「伴唱」錄出嚟。
成班Fd真係特登去點嚟「聽」，聽到熟晒就唱！ 嗰種熱熾嘅渴求，到今日都仲記得。
亦正正因為記得，所以更明白已經好難再回到頭。 係舊歌太好，抑或自己年紀太大？ 我諗兩者都有關係。 一位音樂界前輩講過： 「你今日覺得唔太起眼嘅歌，到十年後可能就係呢家班後生嘅經典。 正如係阿媽至今都沉迷《似水流年》，而非《明年今日》。」
「呢家班後生」，呢句的確刺耳，不過都啱。我都唔後生啦。 或者每個人嘅唱K必唱歌單，都有個期限。 時間一到，就開始定形。同我哋嘅人生一樣。
你返咗5年護士，就多數都繼續喺呢個範疇發展；
我唱咗10年《人來人往》，就冇新人再代替到陳奕迅。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
