NIKE全新抽鞋系統 係咪易啲抽中？

波鞋
CentralEditor_NM

廣告

即係咁，我哋班波鞋友，成日都要借運、借身份證、借⋯⋯都係為咗想抽中對Jordan、NIKE X 肥文⋯⋯不過，之前有報導話出現咗「Sneaker-bots」機器人搶購插件，搞到各位波鞋友想抽中都幾難，每次身邊有人抽中鞋，直頭要還神。NIKE為咗令抽籤系統更公平更完善，將會喺9月21日推出NIKE全新抽鞋系統，第1對要抽嘅就係全黑Air Jordan 11 Retro Low，溫提要NIKESTORE.COM.HK，未有？早啲申請啦！ 而家即睇全新抽籤懶人包。

text-譚大偉（ig：taiwaitam）

 

・以後全部限量版都會透過呢個系統抽籤（落鋪都冇㗎啦），唔使再問人邊條link啦！

・新系統用電話都得，方便去到邊都可以抽鞋。

・以後大家抽鞋嘅次序變咗：「先登記，後抽籤，再選購」，不過無論點都好，都係嗰句，抽咗先啦！（

・中籤者可以喺指定時間內去門市攞貨或網上訂購。

每週新波鞋情報 5對你必愛之NIKE、AJ波鞋！

5個步驟即可抽籤購買機會：（9月21日正式推出全新網上抽籤系統）

1. 進入抽籤登記頁面（網址為: http://Gonike.me/draw）

2.登記成為NIKESTORE.COM.HK會員或以會員身份登入

3.填寫相關抽籤資料，並於此時選擇於門市購買或於網上訂購

4.成功登記抽籤及中籤者將會收到通知以示確認（抽籤結果將於發售前一天公佈）

5.中籤者需於指定時間內到門市取貨並付款或網上付款並送貨

 

第1炮就嚟對咁正，希望全新系統旺我，令到我可以破處（抽中）啦！
內容延讀：

＞聽完歌再想知多啲？ 完全解讀JUNO〈雷克雅未克〉10件事

＞冧女一流NIKE AIR MAX 90 CITY COLLECTION

有甚麼波鞋推薦？

不論男女波鞋都是大家每天襯衫必備的單品之一，白波鞋更是百搭之選，必買10大易襯白波鞋，輕鬆carry每個造型！香港天氣變幻莫測，唔想濕住腳行街，一對Gore-Tex防水波鞋會是必然之選，若然唔好彩弄髒波鞋，即用這6招洗波鞋方法幫波鞋還原靚樣！

如何揀一對適合自己的波鞋？

揀鞋當然要揀一對啱size的鞋，的確很多人經常入錯波鞋size，以下就為大家綜合15款大熱波鞋size攻略，幫大家選擇最佳尺碼。除了尺碼，波鞋的性能也很重要，消委會測試了 11款防水行山鞋，大家不妨參考一下當中款式的優劣之處。最後當然是款式，最新New Balance復古經典鞋款再來襲，身為潮流達人的你快入手一對吧！

There are 5 comments

Add yours
  4. 新Monday / 新抽Jordan系統你試咗未？球證鞋AJ11 low IE Referee玩公平

    […] Air Jordan 11 low IE今期力谷，先有OG白烈紋Cobalt，再有黃蛇Snakeskin，而一直吹會復刻嘅另一OG bred反而「胎死」，會改下年先出。最大原因係有今次嘅Referee出現，96年時，呢款黑中吊紅嘅AJ 11 low IE係俾球證着㗎，而喺今時今日唔係球證都有機會擁有喇！更要留意今次會採用全新嘅抽籤系統，聲稱可打擊機械人程式，咦！又會咁啱同對「球證鞋」一齊推出，唔通Nike想帶出，以後抽鞋系統會同球證執法一樣咁公平公正？ […]

Comments are closed.

最高人氣 TOP 5