獨家台灣直擊《One Piece》海賊王跑 原來唔係為跑!

運動

廣告

https://www.youtube.com/watch?v=HNn2XkDh3jk

過去嘅星期日(5月17日),新北市幸福水漾公園舉辦咗全球首個以《One Piece》為主題嘅「One Piece Run」,亦係1個「勁熱跑」!點解?因為1套人氣爆燈嘅熱血漫畫,加上12,000人嘅熱鬧氣氛,再配以攝氏35度高溫,重有性感cosplayers到場打氣,熱到冇得再熱! 雖然係咁,但大家一樣咁開心,只因大部分參加得《One Piece》嘅參賽者都係漫畫忠實擁躉,醉翁之意唔在乎成績,而係享受玩嘅過程,同攞個超正嘅選手包!

text-Oscar photo-Hin special thanks-香港航空

天氣太熱 玩多過跑

先講「One Piece Run」嘅「主菜」——跑步,賽道全長5公里,圍繞公園跑1個圈,但由於人數太多,跑手要分9批起步。據記者觀察,參加者行路多過跑步,可能同天氣炎熱及賽道較窄有關,令大家放慢腳步。不過始終呢個係玩樂性質多過時間性比賽,跑手完成賽事均可以得到1面「海賊旗獎牌」,兼有珍貴嘅《One Piece》選手包精品,咁已經令一眾跑手滿足晒啦!

多個場景 跑住留影

今次係全球首個以《One Piece》為主題嘅路跑活動,大會公關Daniel話投放咗7位數字台幣喺今次活動之中。雖然活動一度因場地安排問題而押後舉行,但12,000個名額最終都極速滿額。

跑手喺6:30am開始陸續到達位於三重區嘅幸福水漾公園,當日天朗氣清,台灣氣象局更錄得攝氏35度高溫,但炎熱並冇阻礙跑手嘅興致,因為大會獲得官方授權,喺場區多個地方放置咗《One Piece》場景,俾一眾跑手影相留念,幾熱都頂得住。

場內重有8個攤位遊戲,都係以「草帽海賊團」成員嘅能力而設計,例如烏索普嘅攤位,就係用丫叉射擊目標;卓洛嘅攤位,就用膠刀「斬」空中氣球;索柏攤位,咪就係整棉花糖囉!

 

 

內容延讀:

睇埋香港 《One Piece》3D畫展

重有「10大睇極唔厭動畫」

激似cosplayer 為你打氣

今次「One Piece Run」,唔少跑手都落足心機cosplay,睇下呢班跑手嘅扮相,除咗欣賞佢哋嘅服飾、道具同化妝外,更佩服佢哋可以着住套衫忍受高溫,沿途重可以為你加油打氣!

 

 

內容延讀:

睇埋香港 《One Piece》3D畫展

重有「10大睇極唔厭動畫」

大會安排周到

就記者所見,所有《One Piece》粉絲都玩得好開心盡興,大會安排亦好周到,沿途同攤位都有勁多工作人員幫忙,唯一可惜嘅係,由於反應太熱烈,台灣報名人數一下子就已經滿額,據知只有少數海外人士參加到,希望大會再舉辦類似嘅活動時,可以增加海外人士配額,等世界各地跑手一同分享喜悅嘛。

 

忻忻 學生
「我覺得氣氛好好,亦有好多攤位玩,不過跑步感覺唔多,反而似去咗個嘉年華。」

雷雲 學生
「我覺得氣氛雖然幾好,但因為太多人參加,加上賽道好窄,基本上係『競步』而唔係跑步。」

阿澤 學生
「我搶名額搶咗40分鐘先搶到,因為我太鍾意《One Piece》喇!整體氣氛好好,只係好多人慢慢行,想跑都跑唔到。」

 

港航年票 話飛就飛

台灣1年有多個路跑活動,有國際賽事,亦有輕鬆路跑,梗有1個啱你跑!而家唔使恨台灣人有咁多跑步活動,因為香港航空嘅年票AIRPASS正式登陸官方手電App,大家可以隨時隨地購買年票,想幾時出發去跑步都冇問題。

「香港來回台北」年票,提供分別「3張來回機票」($2,880)同「5張來回機票」($4,200),俾你喺1年內隨時出發,而且最平平均大約$840,就可以往返香港至台北,真係飛得多平得多。

除咗香港至台北,香港航空亦有「香港至曼谷」、「香港至北京」、「香港至華東」嘅AIRPASS,詳情可登入香港航空網頁(www.hongkongairlines.com)或手電App查詢。

There is 1 comment

Add yours

Comments are closed.