PUMA 21 days challenge 習慣燃燒
text – Lok(ig:loklokb1021) photo – Rover
Supper Moment 無盡能量
Supper Moment,香港流行樂隊,2010年正式出道,5年過去開始於樂壇取得成果,工作量大增同時對體能需求都提高,跑步點樣幫到佢哋?著PUMA Ignite上台出show感覺又係點?
N:《新Monday》 S:Supper Moment
N:喺PUMA 21 days challenge之前,你哋嘅跑步習慣係點?
S:「成員之中得Sunny係叫做有跑開,平均兩星期跑1次,係呢1年先開始操返,因為上年開tour期間經常走訪各地,發覺體能真係需要大幅度提高,所以選擇咗以跑步作為訓練。」
N:講吓呢21日嘅經歷?
S:「其實當中每隔幾日就要求自己跑多啲,當然短時間內進步有限,而且好攰,訓醒第2日再跑,隻腳好似重到拎唔起咁,但過咗10日身體明顯適應咗,1日比1日好,最後都完成到連續21日跑步嘅挑戰。」
N:挑戰過後有冇帶嚟咩得著?
S:「個人健康咗,身形真係fit咗,而且我哋亦將target愈set愈遠,由每日3K到6K再到10K,學識其實只要堅持,冇野做唔到,之後一定會keep住繼續跑。」
N:對你哋嚟講,跑步除咗係訓練之外重有咩意義?
S:「一個寧靜嘅獨處時間,可以清醒吓,諗吓條路點行,另外可以鍛鍊自己意志,捱得過最難嘅時候,身體就會適應,就好似我哋平時做音樂一樣。再者就係跑步原來唔只喺田徑場,跑街嘅時候可以去到好多城市嘅角落,平日坐車唔會留意到,可以發掘城市另一面。」
N:對新鞋PUMA Ignite嘅評價?
S:「首先係有型,著得出街,以前嘅跑鞋俾人感覺好功能性,外形上未必配合到潮流,呢對PUMA Ignite靚仔有型,顏色配襯又好。功能上,第一次著已經feel到,鞋底唔只淨係吸震,重會回彈返力量,所以踏出嘅每步都有力,甚至試過著呢對鞋出show,平時著皮鞋跳都跳唔起,著PUMA Ignite就狀態勁好,跳起上嚟真係唔洗力咁,發揮都好巳啲。」
鍾舒漫、鍾舒祺 新挑戰
鍾舒漫於樂壇打滾多年,最近搵嚟妹妹鍾舒祺助陣再出新碟,一齊接受全新挑戰,當然唔挑戰唔只音樂上,跑步路上亦一樣,有個姊妹一齊面對挑戰又係咪會好啲?
N:《新Monday》 C:鍾舒漫、鍾舒祺
N:喺PUMA 21 days challenge之前,你哋嘅跑步習慣係點?
C:「每星期都會跑,馬拉松之前會再操密啲,每次大約45分鐘,希望keep住健康習慣同練氣,但21日每日跑係新嘗試,日日跑並唔容易,因為工作關係時間上需要作出調整。」
N:既然咁忙,點樣完成呢個challenge?
C:「真係靠恆心,而且我哋許下咗呢個承諾就要做到,就算有時放工返屋企12點,大家都好攰,都要出去跑到幾多得幾多,因為做咗一個決定就要完成佢。」
N:講吓呢21日嘅經歷?
C:「其實經過呢次之後,明白到跑步其實好容易,只要你下定決心行出去就得,一開始唔會理個距離,因為跑跑吓就會愈跑愈多,愈跑愈輕鬆,你會發覺身體嘅肌肉慢慢習慣,亦firm咗,而且當你養成咗呢個習慣,自自然然就會去做。」
N:挑戰過後有冇帶嚟咩得著?
C:「冇嘢係不可能,冇諗過會完成到,甚至係鍾意咗,建立咗一種習慣。」
N:對新鞋PUMA Ignite嘅評價?