open_resize1

史上最熱血單車電影《 破風 》5個扮pro位你要識

《激戰》之後,除咗造就咗張7帝(張家輝),戲中同樣為打拳練得一身好肌肉嘅彭于晏亦衝出台灣,成功喺香港站穩陣腳,電影更一部接一部,話佢係上位男神……呀唔係,應該係上咗位嘅男神,應該冇人反對!
今年暑假,由林超賢執導嘅話題之作《 破風 》,導演再次起用彭于晏,更升呢做男一,但彭于晏咁講:「以為《激戰》好辛苦,《 破風 》更辛苦!」做男神,係要有代價,唔係個個自認係就係㗎。

text-aMan

 

睇戲學踩車知識
一向製作認真嘅林超賢導演,上次《激戰》令大家認識咗MMA,今次《 破風 》講嘅係單車,當然會令大家加深對踩車嘅認識同了解,雖然電影8月6日先上映,但如果對專業單車一無所知,睇嗰時難免會一頭霧水,咁至少以下呢5個扮pro位你要知咗先囉!

2_resize

至少要識「 破風 手」、「衝線手」
電影有太多專用術語嘅關係,有機會睇到一舊雲,所以「 破風 手」、「衝線手」呢兩個術語至少要明係咩。「衝線手」就顧名思義,係負責衝線,勝出比賽嘅人;「 破風 手」就係團隊比賽中,騎喺前方幫助減低空氣阻力,為「衝線手」保留體力嘅人。

1_resize

《 破風 》最想講友情
電影有男神彭于晏,重有崔始源同竇驍3位中、韓、台型男一齊「 破風 」,但喺大家睇型男嘅背後,重有青春熱血、鬥志同兄弟情。
好似戲中其中1條線,講彭于晏同竇驍由本來喺單車隊中嘅 破風 手,幫助衝線手崔始源,但兩人不甘只做「副車手」,離隊參加另一單車隊。不過,始終一山不能藏二虎,加上又鍾意同一個女仔,後變成敵人,不過喺各自發生種種問題後,又冰釋前嫌,竇驍重為彭于晏做 破風 手,一齊挑戰崔始源添!咁都可以做番friend,真係男人先得!

內容延讀:

《玩轉腦朋友》心測 5題測你邊位 腦朋友 當家

太可愛美少女戰士撞磚手電GAME 玩前登記送特典

YOU MAY ALSO LIKE ...