4大網購Rolex要訣+9個新手買錶注意事項
text- 潮吹男 edit- Easy photo- New Media Group、Wikipedia
4大網購Rolex注意事項
1. Full set
成日見seller寫full set，full set不是只得個盒及出世紙/卡，還有綠牌仔（早期紅色）、說明書、皮套、錶枕，而盒亦有分內外。而新錶有包膠及保護膠圏。當然不要忘記錶帶格數，一般運動錶是13格，餘下記得跟埋。
2. Condition
除鑑證、full set外，condition當然緊要，不要以為二手新到新錶零花痕就是好，其實好大機會是打磨過，一隻錶打磨次數有限，愈無打磨過價值愈高（尤其舊裝方面）。但要分別到有沒有打磨過是需要些經驗，看得多自然會有心得。
3. 上行鑑證
交收當然上「14樓」（因為勞力士維修中心在中環怡和大廈14/F)，而且做鑑證真假是完全免費的，無論有沒有出世紙，行貨還是水貨，分別在於行貨可1小時內完成鑑證（我多年前試過約20分鐘已搞掂），而水貨則要放低兩星期，前者可鑑證完即時落樓交收（唔好於14樓交易咁「肉酸」啦）；水貨則要分兩次先完成交收，做法通常第一次放低錶做鑑證，買家會給賣家些少訂金（幾百都好，以防放飛機嘥時間），當「14樓」聯絡賣家鑑證完成，再相約交收。
老實講，其實沒有甚麼能安心得過「14樓」覆你一句「鑑證冇問題，隻錶全原裝」。
4. 小心空頭支票
到錢銀交易，都要提提大家，之前網上有單交收出現過空頭支票事件，就是買家臨時話有事沒空親自出來，叫細佬妹出來交收，話怕細佬妹拿太多cash危險（去買「撈」就唔危險？），所以以支票付款，而賣家即時去銀行入票都只是見到「虛數」，之後你明啦，所以一齊去銀行轉帳當然最安心（但留意每日轉帳上限）。而我試過有次放錶，買家以現金交易，但我也會要求買家一齊去銀行把現金入到存款機先，之後才交錶，始終我同你上「14樓」保證堅錶，你都要保證堅錢，大家安心！
4. 行貨/水貨的分別？
勞力士的保養是世界性保用的，水貨上「14樓」（下面再提）一樣受保，但第1次會需時較長查證（約2-3星期）。
5. 年分
只要看serial no.第1個英文字可知道是哪年分（可參考以下列表），買新錶當然愈新年期愈好。
| 字頭英文 | 開始生產年份 |
| R | 1987 |
| L | 1988 |
| E | 1990 |
| X | 1991 |
| N | 1991 (Nov) |
| C | 1992 |
| S | 1993 |
| W | 1994 |
| T | 1996 |
| U | 1997 (Aug) |
| A | 1998 (Nov) |
| P | 2000 (Jan) |
| K | 2001 (Sep) |
| Y | 2002 (Sep) |
| F | 2003 (Sep) |
| D | 2005 (Apr) |
| Z | 2006(May) |
| M | 2007(Aug) |
| V | 2008(Nov) |
| G | 2010(July) |
| 亂數混合* | NOW |
8. 維修中心
錶友常說的鑑證或維修上「14樓」，如其名維修中心就是在中環怡和大廈14/F。
9. 鑑證
想安心點鑑證真假？上「14樓」鑑證是不收費的，行貨快則半小時可鑑證完成，而水貨需留下數星期。
內容延讀：
2018年5件波鞋大事 科技時尚戰一觸即發
>>>LIKE我們fb<<<
fb.com/newmonday.com.hk
有香港買勞力士攻略嗎？
ROLEX既是身份的象徵同時亦能保值，若然是新手初哥，最好就在購買前必讀香港買勞力士攻略。心思思唔知買咩款好？立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話，即學8招勞力士保養方法。
買二手勞力士有甚麼需要注意？
買二手錶最怕就是買列假貨，7大要點教你分辨真假Rolex。要買不一定要去二手錶店，以下3大世界二手錶網店推薦，都是信譽良好的二手名錶網站，讓你較低機會買到假錶外，還可知道市場價格、二手市況等！注意，勞力士推新制「二不策略」，規定經銷商（AD）不可以以超過該手錶的公價去售賣，因此若發現超出定價切勿購買！
