【Kobe】自主旅遊必備Wi-Fi蛋 Google Map 還有…

生活

廣告

【旅遊生活大雜燴by Kobe】終於放假,可以去旅行﹗但做到last minute,無時間找資料,點算好?我去旅行是個計劃很周詳的人,很少出現這情況,但鍾意自由行,經常邊睇邊行,見到得意有趣就走過去,行行下完全偏離原有航道。其實,有時人在他鄉親力親為搵路、搵食都幾好玩。

基本上,有Wi-Fi蛋、有Google Map Apps、有TripAdvisor Apps,已經可以遊走全世界主要城市。幾年前去俄羅斯聖彼德堡,一街都是俄文,周圍都是cool爆的俄人,別打算問路了,還是靠「三寶」找地點、食好西。雖然找到的餐廳不是甚麼隱世小店,但總算平、靚、正,以香港快餐店價錢食到傳統俄國菜,性價比極高。

不過,要記住﹗要記住﹗要記住﹗Google Map經常搵人笨,不能盡信。試過有次在丹麥一個很大的迴旋處下車,Google Map教行10多分鐘繞過迴旋處,再經一條小路直入就到酒店。一直行、一直行開始發覺有點不對路,原來那個小路就只在我下車處前4、5米。所以用Google Map最好配多一幅實質地圖,並要加上自己的判斷力。

除了TripAdvisor,其實亦可用Lonely Planet Apps環遊全世界,以GPS找出附近的餐廳及有甚麼值得做,而且可看看評語再考慮值不值得去。相比盲跟旅遊書推介更貼地。不過,我還是比較喜歡前者,因為資料不用預先下載,亦較適合大眾市場。

至於其他地方呢?日本雖然已出了不少旅遊書,但人在日,有JR Apps加Google Map再加餐廳Apps其實已好夠。如果想行到邊食到邊,可先上網去Tablelog,因為能以位置找尋附近好餐廳,之前跟過評語去找好西,亦不令人失望,而且仲有中文版,非常User friendly。不過,作為客人最好貨比三家,下載都幾多Apps或去多幾個網無壞,如Japanese Food Dictionary同樣有中文版。另外,溫提一下,日本天氣依然不穩定,留意埋天氣Apps就更好。

近年亦多了人去澳、紐,我首推Campermate,雖然程式是針對公路旅遊、露營人士,會顯示當地營地收費及設施,不時彈出營地優惠,但途經超級市場、油站、公廁、垃圾站、甚至快相位全部可以找到,亦是遊客恩物。

總之新一年,祝大家玩得更開心,更自主。

TripAdvisor的確是自由行恩物,基本上適用於全球大城市。

前幾年去俄羅斯聖彼德堡,市面上仍未有太多相關旅遊書,當地又少英文指示,用Apps自己找路最信得過。

如果不用TripAdvisor,在冬宮附近根本找不到這平靚正傳統俄國菜餐廳,因為餐廳在地庫,位置極不起眼。

日本的Tablelog及Japanese Food Dictionary就如香港O字頭的搵食Apps,好方便。

去澳紐Campermate真的很好用,準確度相當高。

text-Kobe Wong

曾任職財經傳媒十多年

主理嘗滿‧SatisFactory私房菜兩年多

熱愛烹飪、熱愛旅遊、熱愛分享生活

識煮幾味又愛去旅行,同大家大雜燴分享一下

廚娘‧遊雜貨店facebook

內容延讀:

【Kobe】香港郊野 腹背受敵

>>LIKE我們fb<<<
www.facebook.com/newmonday.com.hk

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!