西貢新蒲點 打保齡 兼嘆199蚊酒店級龍蝦
Presented by Tikitiki Bowling Bar
酒店級大廚 外國級食材
你可能以為去保齡球場嘅娛樂都只係為咗打場保齡，食物最多咪又係三文治，呢度偏偏唔同！話說呢度廚房係由前四季酒店廚師團隊主理，食材多數都係外國新鮮飛嚟香港，非常有水準！
麵包用12穀米做麵包，除咗因為夠哂營養，而且吸收汁料唔容易變軟，方便大家唔會因為會掛住打保齡，搞到個包淋晒。至於中間嘅牛肉，廚師就混合咗兩種牛肉，夠哂Juicy！
吓！呢份三文治有咩咁特別？特別在蕃茄用羅馬茄，有咬口又出名鮮甜多汁；而中間餡料仲係啖啖龍蝦肉配牛油果，嘩！公司三文治都咁講究！
如果你唔打保齡，可以坐喺旁邊餐廳The Octopus’s Garden，一邊觀戰一邊嘆美食！
波士頓新鮮到港，食客可以自選「蒸」或「烤」，另外再有檸檬牛油俾你配搭！提提你，依家呢個做緊名為「Red Pin Bowling」推廣，如果你打「全中」，有機會即場免費，連199都唔駛俾！ 除咗龍蝦，仲有法國石蟹、黑毛豬、M5和牛斧頭扒（4位起訂）選擇，總有款啱你口味！
一家大細去到，老人家未必鍾意食西餐，唔怕，仲有中菜！呢款川味特式小菜，用咗走地珍殊雞，肉質嫰滑，而且經過大廚改良，只係輕辣級，相當惹味。
魔鬼魚唔係好多地方有得食，總廚表示每次都即叫即整，供應數量非常有限。咬落有口感，辣辣地嘅味道，會慢慢令人食上癮。
熱帶加勒比 環境似外國
講完食物介紹吓環境，呢度裝修非常用心，燈光設計加上內裡佈局都係用咗熱帶風情，唔講以為去咗外國！唔講咁多，睇相啦！
溫馨提示：食龍蝦記得訂位，唔訂無得食！
（優惠只限星期一至四 下午5時至8時）
地址：西貢翠塘路1A號Centro 4樓（顯示地圖）
訂座電話： 2657 8488
Facebook：Tikitiki Bowling Bar
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
