美荷樓新冰室 驚喜餐牌心思擺設 文青必去今週末開放日
text-william photo-mike
全面翻新的四十一冰室，今次邀請了5位本地新晉藝術家為室內親自設計，各自描繪昔日的校園生活、懷舊玩具、卡通漫畫、舊區風光等等，延續美荷樓懷舊老香港的主題，喚起大家的童年回憶。冰室布料置得十分細緻，又有互動，「呃like」位甚多，相信開幕後，不少擺設都會成為地標位。
美荷樓新冰室6個「呃like」位
介紹番，黎明《Yes!》閃卡！！！不少人曾經追星，收藏過明星卡，屬集體回憶之一。（我有說話未曾講～～～）
冰室格局不變，餐廳貫通一間間裝潢不一的房間，主題均有不同。我最喜歡這間，原因好簡單，「正呀喂」！
舊式數字「花碼」，日常生活中老是常出現。如果你看得懂數字意思，你應該猜得出這是1首關於數字的舊歌（大前題是你至少要知道誰是林子祥）。
5位本地新晉藝術家各自在店內留下「墨寶」，這邊以課室為主題的房間，出自藝術家Brainrental的手筆，絕對可令你回憶校園片段。
粵語諧音一向都是傳統文化最具玩味的一環，電視睇過Ben Sir你就明白。畫鬼腳畫到最後，可看這個粵語諧音到底在說甚麼。
別以為裝潢只有「齋睇」的懷舊擺設布置，當中也有互動元素，如小時課堂必玩的天下太平，要重溫一下。
內容延讀：
美荷樓新冰室 新派食品價錢貼地
食物方面，冰室走西式cafe路線，all day breakfast、焗飯意粉、沙律漢堡都有，最驚喜發現是西班牙傳統烤焗乳豬、德國炸豬手等，區內少見。總體價錢都算親民，早餐約$30，lunch最平$38已有交易，做文青坐1日都不肉痛。
（前）西式早餐 $30、（後）歐陸素食早餐 $30
當你到樓下茶記見到早餐過$30，你會心有不爽，這裡的早餐只賣$30，有齊炒蛋、茄汁豆、香腸和鬆餅，抵食。
早餐供應時間︰7:00am-11:30am
英式炸魚薯條 $68
魚柳炸漿加入啤酒調校，吃起來很酥脆。
下午茶供應時間︰3:00pm-5:45pm
西班牙傳統烤焗乳豬 $148
店內招牌菜式，乳豬先用醃料慢煮浸熟，再去烤焗，製作繁複。乳豬外皮香脆，肉質尚算嫩滑，即使放涼了，也不會變得油膩。
晚餐供應時間︰6:00pm-12:00mn
德國豬手 $118
晚餐限定，約 3 磅重的巨型豬手，皮脆但偏硬，咬下肉感煙韌，一個人也未必吃得完。
晚餐供應時間︰6:00pm-12:00mn
特色豆腐漢堡 $148
素食者之選，用醃過的豆腐裹上炸粉炸成漢堡扒，味道清淡，綿密有質感，Green Monday必吃。
晚餐供應時間︰6:00pm-12:00mn
內容延讀：
焦糖燉蛋 $38
焦糖燉蛋一貫是法式做法，四十一冰室卻帶來變奏版，以加泰隆尼亞（我講巴塞你會多一點聯想）特色做法，用柚皮和肉桂浸煮牛奶再放涼雪凍，味道更輕盈。
懷舊花生醬夾餅配焦糖香蕉 $48
美荷樓fusion甜品，西式擺盤相當吸引，雖然花生醬不是粗粒，是流質近麻醬一系，但甜度適中，配上老派夾餅，略嫌餅底偏薄，配搭依然so sweet！
四十一冰室
地址：深水埗巴域街17號石硤尾邨41座美荷樓青年宿舍
電話：3728 3550
營業時間：7:00am – 12:00mn
行埋美荷樓開放日
今個星期六的開放日，在冰室對面的四十一士多就會正式開張，售賣一系列懷舊精品食品。
今個週末，美荷樓青年宿舍舉行開放日，以我們的快樂時代為主題。除了有士多開張、導賞團、穿膠花工作坊等活動外，更會開放客房予遊人參觀。
YHA美荷樓開放日2016
日期︰5月21-22日
時間︰9:30am-5:00pm
地址︰深水埗石硤尾邨41座
內容延讀：
