【 Batman V Superman 最新預告片!】索爆神奇女俠現身(多圖)

電影

廣告

《 Batman v Superman 》最近預告片今日喺Comic Con首播! 呢段3‘39“嘅預告片,除咗見到蝙蝠俠同超人最初係敵對關係(有幾段打到飛起,重要係超人俾蝙蝠俠㩒住砌),片中另一焦點當然係索爆嘅神奇女俠終於出場,睇條預告片,佢嘅超能力絕對唔會比超人低!

text – Tung

大家係咪覺得神奇女俠熟口熟面嘅?佢之唔係喺《狂野極速》飾演Gisele嘅索爆以色列小姐Gal Gadot囉!

其實喺神奇女俠選角之初,傳聞有好多靚女演員爭0架,例如《變形金剛》嘅Megan Fox、索爆吸血女Kate Beckinsale,最後角色落喺Gal Gadot手上,好多DC忠粉話Gal太單薄,尤其上圍完全唔符合漫畫big爆嘅型像,希望Gal做番齣好戲啦!

內容延讀﹕

【怕血腥勿入!】粉絲自製 《龍珠》主角殺人數目圖

【最快睇片】空翻達人試玩Emax彈床樂園Bounce

今次預告片重睇到蝙蝠俠因為對超人嘅毁滅性力量存疑,所以佢兩個係對立嘅。

不過令筆者最興奮係有一幕,見到羅賓嘅戰衣上面有小丑嘅塗鴉,莫非下集有佢出場?另外呢一幕亦顯示,今次電影嘅時timeline中,羅賓極可能已被小丑殺死咗。

好多人話飾演蝙蝠俠嘅Ben哥好似好肥咁,有圖有真相,大家䏲下先。

除咗3位正義聯盟主角,奸角同配角都係影帝影后級,好似做終極奸角Lex Luthor就由《社交網絡》嘅Jesse Eisenberg飾演。

由謝洛美艾郎斯飾演蝙蝠俠管家阿發,唔知佢會唔會好過米高堅呢?

再由奧斯卡影后級人馬Holly Hunter演反對超人嘅參議員。

There are 2 comments

Add yours

Comments are closed.