怕鬼都可以玩!輕量級哈囉喂 6大Check point

生活

廣告

今個10月有咩盛事?國慶?過咗啦!重陽?er….其實我係想講萬聖節呀!

大家諗好去邊玩未呢?如果你份人細膽或者一家大細一齊出發,想感受萬聖節氣氛,咁海洋公園入面嘅開心萬聖景點,可以盡情狂歡!自從哈囉喂轉咗全日祭,一張門票仲可以由朝玩到晚添!

由海洋公園提供

捉鬼敢死隊學堂

要感受萬聖節氣氛就一定要去鬼屋啦!嚟到捉鬼敢死隊學堂,小朋友或者怕鬼人士可以拎起驅魔槍,同班嘩鬼嚟返場激戰!收伏鬼怪後仲有徽章送,刺激得嚟又唔會太恐怖~


照妖宮殿

日頭嚟到「照妖宮殿」,打開「猛鬼獵人」手機app,用AR技術照妖捉猛鬼,猛鬼達人仲可以換取禮物!


古惑糖果村

有咩開心得過有得玩又有得食?講緊嘅係古惑糖果村,又大又sharp嘅南瓜喺門口夠晒吸睛啦!只要你喺唔同嘅check point玩遊戲贏咗古惑糖果村嘅村民,TimTam、萬樂珠、珍寶珠等零食任你拎呀!


魔界巨星花生騷

玩咗一陣覺得攰?不如入去坐低睇吓Show啦! 有鬼馬歌舞、華麗燈光外,仲有一連串高難度煙花雜技!港式「爛gag」夠晒貼地,由頭笑到尾!


搞鬼動物小百科

日間嗰啲機動遊戲唔需要多介紹啦~但原來平時都好多小動物睇嘅海洋奇觀、尋鯊探秘同埋熱帶雨林動物展館等都加入咗萬聖節元素,俾大家可以從更有趣嘅角度了解動物知識!


迷離偵探實驗室

不過小朋友嘅話就咁睇邊夠喉,佢哋仲可以參加迷離偵探實驗室,小朋友要同隊友們合作,以智力、科學知識同埋保育知識,一齊搵出雀鳥被殺之謎!一邊破案一邊學習保育及科學知識。
*此為收費活動,當天於園內報名

除咗鬼屋,園內唔同地方都有好多嘩鬼表演,唔單只跳舞,仲玩埋火添!玩到攰,睇下表演都唔錯呀~


兩張智紛全年入場證 85折優惠*

咁多嘢玩,一日邊玩得晒呀?好易啫,買張智紛全年入場證咪幾時都有得玩囉!依家搵埋朋友仔購買/續購任何兩張智紛全年入場證,除咗可享有85折優惠同無限次入場任玩,「」會員仲可以全年享用「海洋快證」服務,節省排隊時間就自然玩得更多!

仲有,而家申請可以玩埋下年哈囉喂! 全年證有效12個月,下年10月中到期前可以玩埋下年哈囉喂,85折之餘,仲可以玩兩次哈囉喂,抵晒!
只要立即成為會員,超正活動陸續有嚟呀,快啲嚟睇下啦~>>https://goo.gl/fh92KG

*優惠只適用於海洋公園正門票務部購買,透過網上或郵寄方式購買恕不適用。

 

海洋公園哈囉喂全日祭

日期: 即日起至10月31日 (指定日期)
時間: 10am – 11pm
更多詳情: https://goo.gl/jE0tgD

 

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!