志明Land Rover Defender停產愈炒愈貴 教你平玩潮人Dream Car！
text – 欄路虎 photo – 新傳媒、官方圖片、預告片截圖、網上截圖、DEFENDER ON ROAD CLUB(HONG KONG) facebook group、28car.com
雖然啲女已被佢哋溝晒，但其實男粉絲都好buy「長情志明」，說的是他由第1集起已揸有「男人的浪漫」之稱的英國越野車王Land Rover，今集更玩埋終極吸女型號Defender，我敢講，揸出街，殺晒！更殺的是它油錢平，自前年停產後車價有升冇跌，又慳錢又可保值，只要keep住適當保養真的「揸一世」都得。集以上優點你女友/老婆一定讓你「出牌」，不過，用來吸女除外^^”！
志明Land Rover粉絲 最愛揸越野車
志明（余文樂）除戲內鍾情Land Rover外，戲外同是越野車fans，他曾揸過英國Land Rover的Evoque、美國Jeep的Wrangler，還有潮界最buy的德國Mercedes Benz G-Class，全部都是男人dream car，你你你都話正呢！
日牌Neighborhood主腦瀧澤伸介、I.T老闆沈嘉偉、Juno、張智霖都係Mercedes Benz G-Class粉絲，潮唔潮？你話喇！
Land RoverEvoque
JeepWrangler
第1集《志明與春嬌》，志明已經揸部Land Rover Freelander車住春嬌週圍去撲煙買。
第2集《春嬌與志明》，志明情敵Sam（徐崢飾）揸架Land Rover Freelander 2車住春嬌去兜風。
志明Land Rover 5招教你入門玩
1.入group識人好過識字
今集《春嬌救志明》內樂仔揸那架Defender的車主活躍於香港Denfender group，經他悉心「重改」後份外靚仔，純友情借出，有興趣了解更多Defender可以加入fb group交流交流，入面全屬愛車之人，偶有放車，易執筍貨。
DEFENDER ON ROAD CLUB （HONG KONG）
2.識玩必玩柴油版
Defender雖然有分電油及柴油版，但大部份人都會揀柴油版，一來電油版只在80年代出過，現在還健在的話，車都好舊了，更重要是柴油版油費平好多！以2400cc計，平均油費只需$0.5/公里，真的抵玩到喊！
3.必入手2014年前車
柴油版Defender在香港必須以「柴油商業車輛」登記出牌，換句話講即同貨Van一樣要年年驗車（要型冇法啦！）。另外政府規定由2014年2月起登記的柴油商業車，15年後必須強制退役，所以這個「死期」前出牌的二手車車價會較高（當年新車約$438,000，現二手價約$428,000），換句話說，抗跌力亦高，建議必揀。
4.早兩年停產早買早享受
Defender生於1948年，曾為英軍專用軍車，二戰後轉型民用市場，「服兵役」67年後到2015年終於退役，係呀！而家想買新車都冇㗎喇，所以二手靚盤都多人「吼」住，趁重多選擇就早買早享受吧。
60周年特別版Defender
5.最好揀架冇off 過road
Off road，即是行山呀！一班越野發燒友都愛用它來上山下海，當然，Defender絕對應付自如，但如果你本身只冧它的外形，常on road揸的話，就最好揀架冇off road過，始終攀山涉水對部份機件勞損頗大（如懸掛系統），買前諗清楚用途喇！
大伙兒出車off road玩，的確刺激好玩。
余文樂近況外貌大走樣？
余文樂近日被發現人在日本被女粉絲野生捕獲，從照片中所見，不但左右臉明顯不對稱，大小眼十分嚴重，右眼明顯撐不大及下垂，單邊面由眼、蘋果肌以至嘴都特別下塌…詳情請看
余文樂品牌Madness為何倒閉？
余文樂成立的個人品牌「Madness」，成軍以來都不斷爆出負面新聞，更多次捲入抄襲風波中，更被死對頭陳冠希EDC嘲笑品牌為「SADNESS」及「COPYNESS」。之後品牌再被爆多次抄襲日牌Visvim、Wtaps、Neighborhood等等，令Madness慢慢步向沒落…詳情請看
