【健吾】二選一

Blogger

廣告

【熱吻背後by健吾】醫學美容醫生C說:「其實,有老公真係好好㗎。有老公呢,你有咩可以同佢講,叫佢食飯,又可以叫佢搵位噃。」

我:「哦!結咗婚嘅人呢,好少好似你咁,覺得結婚好好㗎。」
C:「我知,好多人結咗婚之後,都覺得佢老公好有問題。」
我:「你老公冇問題咩?」
C:「咁婚姻同戀愛唔同㗎,都係就下就下就一世㗎啦……」

*  *  *  *  *

某天在港島區某酒店,有個新認識,當心理醫生的朋友S問我:「其實你理想嘅對象係點呢?」

「數算」理想對象的外形條件這回事,我其實戒了。因為我知道,我說出來,總會被噓。

「有腹肌囉」。我答。

「唓~~」心理醫生S說:「咁膚淺㗎。」

如果再數,你一定可以數下去:最好是年輕過我,我想先死;喪偶之痛很痛,我不想承受;最好可以自己搞掂自己,我未必可以養到1個人……

「咁唔使傾偈㗎咩?你睇完戲唔使分享下㗎咩?」S問我。

唔……我看電影都是求開心、娛樂,不是為了思考呀。思考我會看書,看很多別的東西,而不是電影。對我而言,電影只是娛樂,我不需要人家扮得很有腦的「去跟我分析劇情」。

S看着我,再問:「你一定重有嘅。如果你有得揀,你想要有腹肌定係嗰度大吖?」

唔……這也不是不能並存吧?

「那想像就係要最極端嘅兩邊嘛!」S說。

其實,最極端也沒甚麼可以說吧?最極端的想法是,有腹肌的,哪有時間看書?哪有時間思考?亦舒說得很對的呀!人只有24小時,時間用在甚麼地方,是看得出來的。

「咁又係,咁終極呢?」S堅持要問:「嗰度大同有腹肌,你揀邊個?」

有腹肌吧,反正男男拍拖後,很多都不再做了。

S看着我,再看看他同席沒有說甚麼話的男朋友,我知道我好像又說錯話了……

text-健吾

 
內容延讀:
【健吾】自知問題
【健吾】嘗肉記
IPHONE7售價大陸流出 IPHONE PRO藍色雙鏡頭未炒已過萬
西班牙癲喪賤漫畫家JOAN CORNELLÀ親臨香港 4大必買展場精品
梗有一個喺左近!8個最想打X佢的難頂同事