【女生年度盛事】馬場 Carnival好似Rugby 7咁刺激興奮

生活

廣告

女生同閨蜜約會,離不開shopping、high tea、食飯、睇戲,個個禮拜咁靜態都有點悶。在剛過去的星期日就搞搞新意思,拉埋班姊妹去咗沙田馬場Hay Market喜馬當先餐廳參加女生專屬的打氣派對,齊齊郁下叫下,過一個充滿動感的下午。大家都知Rugby 7有幾咁刺激好玩,呢個派對係賽馬運動界的年度盛事,氣氛同Rugby 7一樣咁高漲。在場所見,個個女仔都變成cheering girl,為心水馬匹忘我打氣……原來女仔一旦投入一種運動,可以比男士更瘋狂!

text:cheers

打氣派對齊齊興奮慶祝

當日氣氛超好,所有女仔都搖旗仔,用大聲公為心水馬匹打氣。話明女生專屬派對,好多活動都係為各位Ladies而設,例如賽馬入門班「Racing 101」就係專為女仔tailor-made,簡單介紹賽馬知識。Racing Specialist帶大家走入亮相圈VIP區,近距離親親馬仔,仲會教大家觀察馬匹、睇佢地心情同講解賽馬規則,內容輕鬆有趣,有機會同閨蜜參加呢啲workshop都幾過癮,完咗仲有可愛小馬帶返屋企添。

 

睇馬仔,考眼光

參加完「Racing 101」課程之後,馬上實戰!在第7場賽事,投票估下邊隻馬王勝出,估中就送餐飲禮券。到第8場賽事,仲玩埋Tipping Game,最高分的5位就可以帶隻萌爆的馬馬毛公仔返屋企。見到現場觀眾贏咗比賽,開開心心攞禮物,雖然兩項賽事自己都空手而回,但至在參與、感受hyper氣氛一樣咁開心。

JW現身派對玩遊戲

喺Hay Market裡面,大家都邊食邊玩遊戲,特別嘉賓JW王灝兒當日亦有現身同大家齊齊玩,超瘋狂,估下邊隻馬仔跑贏。途中佢更同大家出去露台睇賽馬,當日賽事的馬匹來自海外不同國家,所以大家都將所支持馬匹的國旗畫咗上面,為心水馬匹打氣吶喊,好似開Cheering Party咁,又緊張又興奮,十足十嘉年華咁。

性價比高Semi-Buffet

星期日大好天,食番個Sunday Brunch最疏肝!Hay Market喜馬當先餐廳的半自助餐Brunch,每位客人可自選一款主菜,而海鮮、沙律、刺身、甜品等都係任食,平日賽事日價錢由$430起,不過就無時間限制,坐成個下午都可以,性價比頗高!

打氣派對點少得Dress Up & Chill Out

入到場發現,好多女仔都打扮得好靚,原來係為咗「最佳衣著大獎」有備而來,唔講以為去咗Fashion Show。
場內特設一個設計好有心思嘅影相位,我地班姊妹當然唔執輸,都selfie下擺上FB、IG呃like啦!
有得hea歎brunch、投入賽馬比賽忘我大叫、著得靚靚影下相,成個綜合嘉年華咁,weekend好耐都無咁開心咁過喇!玩到夜晚,仲放埋煙花,高漲氣氛去到頂點,帶住呢個好心情回家真perfect!

錯過咗今次的派對唔緊要,話定俾大家知明年1月1日Lucky Start,除咗同樣有半自助餐之外,仲會一齊為2017新一年加油,係咪超期待呢?快啲約實班姊妹book定枱啦!

 

Hay Market喜馬當先餐廳
地址:沙田馬場第2座看台2樓
訂座電話:1817
半自助餐價錢:普通賽事日$430起

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!