【張晨】《唔怕無能下屬，只怕倒米上司》
有啲人認為呢個世界只有「廢上司」，
但其實「廢」呢個範疇，都有分Level嘅。
簡單講「無能」同「倒米」已經係兩個境界。
所謂「無能」，都只係
能力不足、做嘢慢啲、效率差啲、接受能力低啲、接收能力弱啲。
但去到「倒米」，就係
「能力不足，做嘢慢啲、效率差啲、接受能力低啲、接收能力弱啲」之剩，
佢覺得自己「好勁好醒」。
唔係廢到咁，又點會陰到我同你呢？
無能下屬，講到尾都係「下屬」，
最多都係令件事嘅完成度同完成率未如人意，但人力可慘補。
但倒米上司，係會令件事「完成唔到」。
呢個世上最矛盾嘅就係「上位者」比你差，但權力比你大。
你有啲諗法明顯係啱，亦實際，甚至係「高分」。
但佢會Ban你、會用「經驗」拋你、
再用自己嘅方法一意孤行，
然後「瀨嘢」。
而瀨嘢之後，你上司都有上司，即係你老闆，
就會訓話，問「邊會咁做架？緊係『咁咁咁』啦！！」
嗰『咁咁咁』，就係你當日表達嘅諗法！
當然，倒米上司會講「我哋都諗過，不過成Team最後都決定用咗另一個方法，下次我哋會注意返。」
你眼都突埋，佢竟然將「一意孤行」，卸到變成「集體責任」。
再望下老闆嘅眼神，彷彿講緊一句「唔止一個廢，原來成Team都廢。」
啞巴吃黃蓮，有苦下屬知。
辦公室之內，廢人多；
明明廢扮唔廢嘅人都多；
但明明廢而唔知自己廢嘅人，永遠最多。
唔怕佢冇料，最怕佢冇料扮四條。
內容延讀：
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
