飲得健康嗎?韓星飲水潮用Purenine水樽

流行娛樂

廣告

大台問完《你健康嗎?》,再問你《食得健康嗎?》,最近重問埋你《活得健康嗎?》,比你阿媽更加關心你嘅身體健康。但係,鉛水問題一直未解決,點解唔問「飲得健康嗎」先呢?佢唔問,不如由我嚟問。繼G-Dragon等韓星潮用標榜物料安全性高嘅Promise Me水樽後,呢期韓星齊撐可以調解水質至弱鹼性嘅Purenine水樽,話對身體健康有幫助(好似係),重可以用嚟襯衫。你又信唔信?

text-Tammy photo-網上圖片

河智苑帶頭撐Purenine水樽

由3月開始,韓星河智苑已開始示範用水樽襯潮服,直到後來去南法拍真人騷《和姐姐GoGo》同埋SBS劇集《愛你的時間》,都係樽不離身。

 

重有邊個韓星撐?

除咗河智苑、After School嘅Nana、金釉利,重有…

其實Purenine水樽係由河智苑間經理人娛樂公司Haewadal代理,所以河boss順理成章出任代言人。

水質點樣變?有片有真相!

韓國製造、通過美國FDA認證嘅Purenine咁受韓星追捧,除咗外形潮,襯到衫,最大優點係搖幾下,就可以將普通水變成pH9鹼性水。唔明?不如睇睇片先!

究竟飲鹼性水係咪真係健康啲呢?

F&H by FANCL資深營養師Toby Leung:「鹼性水即係電解水,冇證據顯示弱鹼性嘅水有益健康、弱酸性嘅水不宜飲用。世衛嘅食水水質指引並無訂定同人體健康有關嘅食水酸鹼值指引值。人體有緩衝機制,可就食水中酸鹼值嘅改變作出調節同平衡,食水嘅鹼值唔會影響健康或新陳代謝,除非改變係極之大。 此外,經處理器處理嘅食水,唔能夠改善或治療長期嚴重病症。建議飲用乾淨食水加均衡飲食已經足夠。」

哦,原來係咁,明晒!既然冇害又冇話有益,純粹為咗潮,咁除咗拎Fiji同Evian水樽,多色揀又孭得上身嘅Purenine水樽又真係唔錯嘅~(除咗價錢)

 

內容延讀:

影得夠靚嗎?5式自拍素顏呃like,po上ig你玩晒!

食得着數嗎?3個美容品牌嘅Afternoon Tea,又食又拎邊個最吸引?

There are 3 comments

Add yours

Comments are closed.