【奴隸獸都話正!】 編輯部嚴選 最「帥」鹹蛋超人

生活

廣告

香港電視劇愈來愈膠,呢個「膠風」亦吹到日本。話說《鹹蛋超人》最新系列《超人ウルトラマンX》嘅主角超人X雖然武器好多,但外形臃腫又似機械人,重要加埋插卡功能,明顯想喺玩具市場「搵錢」嘅技倆,所以被日本網民評為「最樣衰嘅超人」。

既然係咁,《新Monday》編輯部就選出10大「最靚仔鹹蛋超人」,唔講實力,只講外表,有冇你嘅心水先?

Text-專題組

 

第10位 超人7號
又名「七星俠」嘅佢雖然叫「超人7號」,但一啲唔襯呢個數字,因為佢係首個「有眼珠」嘅鹹蛋超人,而且衫領有pattern,型仔特嚟又幾cute!

 

第9位 超人Ace
有別於其他鹹蛋超人橢圓形嘅頭,超人Ace塊面方方地,更有輪廓更man!

 

第8位 超人高斯
首個以藍色為主色調嘅鹹蛋超人,突破傳統紅色戰鬥服框框,充滿新鮮感,但亦有好多人唔buy。

 

 
內容延讀:

睇埋少少壞多多趣嘅 Minions 快閃跳入旺角MOKO

超人都要玩 LINE x 海洋公園夏水禮

 

 

第7位 超人佳亞
戰鬥服上除咗有傳統紅、銀色外,重有極罕黑色上身,本來可以上到更高位置,但佳亞嘅「笑紋」太深,睇上去有啲老……

 

第6位 超人太郎
「3角」設計嘅超人太郎,單位外表就已經夠煞食,身上重有好多鎬釘,粗獷味激增!

 

第5位 超人帝拿
頭型有少少怪嘅超人帝拿,反而因為呢個怪頭有唔少人鍾意佢,而且個個同事都話「一眼就知係帝拿」!

 

第4位 元祖鹹蛋超人
唔使咁多花臣,元祖鹹蛋超人設計最簡單但最傳統,而且一眼就知佢係「鹹蛋超人」,咁咪叫有代表性囉!

 

 
內容延讀:

睇埋少少壞多多趣嘅 Minions 快閃跳入旺角MOKO

超人都要玩 LINE x 海洋公園夏水禮

 

第3位 超人銀河
新嘅唔一定代表差,就好似超人銀河咁,除咗身上有發光設計,眉骨深鎖令雙眼充滿勝利嘅慾望,可以安心俾佢保護地球。

 

第2位 超人Zero
最跟得上潮流嘅超人Zero,頭上「雙刀」側睇好似周柏豪嘅「比比鳥頭」,正宗「潮到上頭殼頂」!

 

第1位 超人迪加
「銀河唯一的秘密」嘅超人迪加,係首個紅、藍配戰鬥服,而且可以變換戰鬥形態嘅鹹蛋超人。佢嘅頭型、服飾同服色都充滿fashion sense,傳說中嘅「型在骨子裏」!

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

There are 2 comments

Add yours

Comments are closed.