女仔運動何只加10分？

時下女生做運動熱潮盛行，相信並非響應「日日運動身體好，男女老幼做得到」，而係做運動已經成為1種潮流同態度。自問中學時代非常討厭跑步，但近年開始，跑步（尤其長跑）已經成為我嘅生活習慣同態度。以下綜合自己同身邊少女（利申：本人仍然是少女） 做運動嘅其中原因：

1. 閨密效應。女性係種嚴重群體動物，就連去洗手間都要一齊就已知一二。而做運動更係女生嘅社交活動，一群女生做運動，就係享受一齊出汗、一齊發洩、一齊完成的過程。
2. 減肥？錯，減肥已out！應該係重塑身形。做運動嘅女生應該認同，磅數只係數字遊戲，而我哋更睇重腹肌、馬甲線同腿部線條。

3. 着靚衫。正所謂唔打得都睇得，一身又型又靚嘅運動裝束係好多女生做運動嘅決心來源，做運動之餘，當然亦要自我感覺良好。而面對市面愈出愈靚嘅運動裝備，女生又點會忍到手？

而現在，女生做運動又多咗1個原因——為女生而跑。早前公布NIKE Women’s 10K同NTC Tour Hong Kong終於來到香港！

1個女生限定嘅活動，1個只有女生嘅跑步比賽，愈講愈興奮。皆因早兩年有機會參加台北舉行嘅Be Amazing 10K和We Run TPE Half Marathon，所感受到嘅氣氛絕對係前所未有，比賽時身邊嘅女生雖然素未謀面，但大家都朝着同一目標前進。跑步時總係覺得，身邊每位女生都特別好看，每位都好美。而終於終於⋯⋯香港也有屬於我們女生嘅路跑比賽，十分期待！而現在除了等待報名，就係需要積極預備同練習喇！

text – T.LUM

T.LUM’sProfile
1個鍾意做運動嘅女生。做運動好簡單，只要鍾意嘅、喜歡嘅、想試想做嘅，就可以行動。