【杜如風】真!

熱話

廣告

【Trend’s Like Wind by 杜如風】很多讀者及觀眾們都說喜歡我的真、不造作、隨心而發,有些又會說很羨慕我可以做回自己、做回自己真的一面。老實說,有甚麼好羨慕,做回自己最簡單,有幾難?但實情是,我根本不懂得怎樣去假(即係未有咁高層次去扮假)!例如做旅遊節目:好吃的東西我會用盡10隻手指去吃到污糟邋遢,不好吃的東西我會照直講:「下次你嚟呢間餐廳,你千祈唔好嗌呢碟餸喇!」有看開我旅遊節目的觀眾,大抵都習慣了我這種直腸直肚、有碗話碗、有碟話碟的style!因為小妹覺得始終是從我自己的角度真心去推介給觀眾,如果連自己都過不了關,怎能介紹給觀眾呢?

記得曾經跟1位前度男友拍拖,他的哥哥也剛好有女朋友,於是逢禮拜日,我們會返他媽媽屋企吃飯打麻雀,成為了1個routine。男友的媽媽和他哥哥的女友都是麻將精,小妹卻是BB班,但很奇怪地,每個禮拜我也會出1招叫做「盲拳打死老師傅」,結果大贏家往往都是我。我不懂「鬆章」,也不懂「誅人」,只顧粒聲唔出地做自己的牌,但哥哥的女友跟我剛剛相反,奶奶前、奶奶後地氹得男友媽媽歡天喜地!又經常「鬆章」給「奶奶」,非常懂得奉承,兼聽到我毛管棟的⋯⋯這些⋯⋯我都不懂⋯⋯叫我怎樣學⋯⋯也學不懂!有時伯母還會因為我贏得太多而對我黑面呢(咁打麻將係咁架啦,總有輸贏啫)!

又有次,伯母教我用洗衣機幫手洗衫:「嗱,倫仔,好簡單架咋,先按呢個掣,再落洗衣粉,再撳另1個掣,然後調校時間……」然後我甚麼都不記得了!「伯母,算吧啦!我呢一世都學唔識架喇!你無謂花時間喺我身上喇!」低處未算低,有天我在有線電視台返工當撰稿員時,她很緊張地打電話到我office:「倫仔,點解個廁所會漏水架?」「吓!我唔知喎,我又唔係個廁所,我又點知佢會漏水呢?」當時我應該激到伯母生蝦咁跳!
後來,我跟這位男朋友分手了。過了大概1、2年,我們之間的關係已變成1對好朋友了!有次,我忍不住在卡拉OK內問他:「其實你咁多個女朋友之中,你阿媽最憎嗰個係咪我呢?我嗰陣時咁唔俾面佢,又唔識do⋯…」「哼!咁你就錯咯喎!我阿媽不知幾鍾意你!話你個人又夠直、又夠真、又夠爽朗,起碼說話句句真,夠晒正直!」「哦,咁都好啲!我同你散咗之後,成日都想搵佢飲下茶架,不過驚佢好憎我咋!」「傻啦,你肯陪佢打麻將呀,佢肯定好開心呀!」

其實做回1個真正的自己有幾難呢?對我來說,至少容易過營造1個假的我!(應該容易很多⋯⋯很多⋯⋯)

text-杜如風

 

內容延讀:
【杜如風】男人=護膚品!
杜如風《東京攻略》11大搵食懶人包
教你5招iPhone 6s慳電兼保住電池
無記膠作 《張保仔》3千萬CG逐格笑
學女星剪!3款大熱秋冬髮型

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There are 2 comments

Add yours

Comments are closed.