adidas Women s/s15 Sports and the City

潮流

廣告

1個女生開始做運動,唔理係因為想減肥、潮流興、朋友叫定係人做佢又做,無論起因係咩,做運動對身心百利而無一害係鐵一般嘅事實,女生運動市場嘅開啟亦係事實,女生揀運動服比男生麻煩,同樣係事實。

功能性無疑係挑選運動服飾嘅首要條件,但對女生嚟講,服飾嘅設計、配色、外形嘅重要度,絕對不下於功能性。冇錯,女生愛美麗,貪靚就係女人嘅天性,即使做緊運動都一樣。適逢adidas以「The City」為靈感推出全新2015春夏女裝運動服,配件配色花多眼亂,等筆者一邊講解下功能,一邊示範下點樣襯出最啱自己嘅運動look。
text – Lok(ig:loklokb1021) photo – Yuk model – Christy Lai@STARZ People venue – The Playground

ClimaCool×Climalite 繽紛保護層
夏天運動,最需要嘅就係透氣性,15 S/S衣物就分別運用咗ClimaCool同Climalite專利技術。ClimaCool為1種舒適物料,可以喺運動時排走多餘熱力同汗水,而Climalite就透過1種輕質透氣物料,幫助皮膚表面空氣流通。另外,風褸採用咗Climaproof科技,有助快速排汗同散熱,於運動時仍能夠保持乾爽舒適,就好似為身體提供咗1個透氣輕巧嘅保護層一樣。
值得一提係,系列下身除咗採用Climalite技術外,部分緊身褲重用上TECHFIT功能,令肌肉得以承托,同時達到改善身體姿勢同減少能量消耗嘅效果。女生們,心動吧?

 

adidas Bra Top 3段承托
有樣運動產品係我哋男生永遠唔會識揀,亦永遠唔會理解,就係運動Bra Top。運動Bra Top對女生嚟講可以話係最重要嘅1樣item,可唔可以隨心所欲咁盡情運動都係靠佢。今次adidas就以「The City」為設計靈感,巧妙咁運用深淺色,配搭迷彩同幾何圖案,為女生帶嚟全方位嘅選擇。
運動Bra Top為今季女裝系列嘅重點推介,簡約剪裁配合紫、粉紅、橙等唔同少女顏色,配合充滿活力嘅春夏。adidas Bra Top分別採用TECHFIT同ClimaCool技術,系列更備有高、中、輕3種承托力選擇,因應唔同女生嘅身形、唔同運動嘅需求,提供唔同嘅承托保護力,貼心。

女裝運動鞋 出街都得

衫褲有齊,最後當然要揀埋對靚鞋襯番full gear。adidas今季亦推出多款唔同功能嘅運動鞋,迎合唔同類型運動嘅需要,同樣以紛色同螢光色為主,即使唔係做運動,着出街一樣冇問題。

adidas Megastore 旺角豉油街21C地下至5樓全層 2789 8198

adidas旗艦店 尖沙咀漢口道17號 2730 0157


ASICS LITE SHOW 光復夜跑

ADIDAS CLIMACHILL 2015 黑冰熱浪

ENTERBAY 1/6 MICHAEL JORDAN 96神裝