皇室堡開季掃貨攻略 15大店舖推介

潮流

廣告

冬天bye bye,係咪想將衣櫃嘅舊衫煥然一新,你又有心水未呢?不用煩,小編已經為大家搜羅換季精選,即刻睇皇室堡開季大熱,為自己裝身啦!

text-bi photo-皇室堡提供

服裝篇
Pull&Bear算是近年性價比高的時裝品牌,今季找來西班牙賽車手Marc Márquez 大玩crossover,推出男裝牛仔褸,簡約黑色暗藏野性;另外,復古流蘇女裝牛仔褲,最啱襯大熱魚網袜,隨性略有小性感。

Shop G.4-G11,G26-G31 Pull & Bear

MONKI嘅衫一向以玩味取勝,最啱性格爽朗的活潑女生!今次推介小小中性的恤衫裙,以近年流行大葉植物圖案為印花,大領大袖設計,中性又有幾分性感,夏天穿上就更是注目度大増!鍾意露肩款式的女生,粗帶短背心恤也是不錯的配搭,穿高腰裙最合適不過。
Shop G21-23 MONKI

GU香港店開幕時引起一陣哄動,嚟到2017春夏季推出進階版「Palazzo Pants」。Palazzo Pants略為修長,最重要係I-LINE剪裁能夠修飾下半身,達到顯瘦效果! 質料輕柔,備有多色系、Waist Mark蝴蝶結綁帶款,仲有今夏必備嘅花卉、Tropical Pattern同雪紡料等,即使身型嬌小嘅女生,只要襯對高跟鞋,亦可以一秒變長腿!

Shop B26,B72,B73,B75 &B76 GU

ROCOCO 自1996年開店以來,一向都係緊守「簡約、獨特、自然」3大點,來到2017一樣堅持,難怪深受知性型女士喜愛。喜歡小清新的女生,可以穿上夏季必備淺藍色,混搭拼布加小煲呔袖口的恤衫,下半身就襯上近年好流行的來喱士邊通花裙,素色小復古味上班look立即完成,可以出門上班去!
Shop 318 ROCOCO

歐美風路線的Bershka,今季大玩隨性。
男裝牛仔褸注入洗水元素,背面以70年代最紅絲印圖案作為主設計,率性夠格;女裝今年承接上年運動風,Baseball Jacket繼續大受歡迎,深藍底撞上大膽刺繡,盡顯個性。
Shop B77 Bershka

如果你愛好淑女風格,歐州品牌Viola一定是你杯茶。為上班服裝經常毫無頭緒的你,不妨試試貝殼邊的西裝外套和半身,大方中有小趣味。放假呢?素色bye bye,轉投花花世界,跟日本品牌Flavor 聯乖的Flavor Viola印花連衣裙,為你換上一身春風。
Shop G20 Viola

TOUGH作為本地有型品牌,今個夏季繼續keep在cool,2017年春夏女裝系列推出桃紅色 Free-size恤衫裙,以Boyfriend Cut為本,並加以剪裁和細節修飾,令女生在穿著後於視覺上顯得更修長。至於男裝系列大玩碎花圖案,恤衫內搭深藍色櫻花圖案印花T裇,再撞藍色洗水牛仔短褲,熱情又夠格。
Shop 311-312 Bauhaus

飾物配件篇
今年春夏鏡款,經典玳瑁色鏡框,低調優雅,最合文青口味,書卷味大增。
凸顯高貴氣質;另外 SILHOUETTE 金屬海軍藍鏡款,適合就成熟大方路線,幼身前框呈不規則形狀,加上海軍藍色,正經中帶活力!
Shop G3 Optical 88 眼鏡88

Heavy-Weather Fashion 算平實型格衣飾的專門店,今次介紹Brady 帆布袋 (大碼)以三層防水帆布,英國人手製造配以高級馬鞍皮革及堅固黃銅配件縫製,是品牌其中一款暢銷產品,重點在於修身袋口, 可以防水滲入!鞋款方面,Spingle袋鼠皮 休閒鞋並是大熱,Spingle袋鼠皮系列採用澳洲野生袋鼠皮製造,紋理清晰, 被公認為最輕巧強靭,而且日本製更加是信心保證。
Shop G12 Heavy-Weather Fashion

女生一生人有多少個手袋?還未遇到你的Dream bag嗎?Me Char店內定能為你找到。先介紹近年流行的小背包款式,Brigid 金色小背包,搶眼拉鏈設計,配上暗袋設計,另外手造羊皮,舒適耐用;喜走斯文路線OL,可以選擇Freda Ho象牙色手提包,以外國入口野生皮革打造,中間大圈設計,方便側背,但又不失優雅。提提你,即日到5月尾有7折優惠。
Shop G17 Me Char

夏天必備,非太陽眼鏡莫屬,專業眼鏡專家亮視點,除了為顧客解決視力問題,亦為各位潮人推介今季熱推太陽鏡。Bvlgari 眼鏡一向著重瑰麗意式風格,最新春夏款,幻彩鏡片現上幾何鏡架設計,細節精緻,女士大愛!至於男士熱愛的Ray-Ban最新春夏季太陽眼鏡,於經典飛行員款式上注入新細節,以更硬朗用色線條,加上大膽的上鏡框設計,出海都可以型住chok!
Shop117 LensCrafters亮視點

Salad粉絲注意!今個夏季又有新款式,以仿鹿山羊皮製成的2-in-1 Backpack,手感鬆軟輕巧;經典背囊款設計,配以可拆式小側揹袋,一分為二的設計賣點可謂市面上少有,既獨特又時尚。另外一款Cross-shoulder Bag,以牛漆皮,拼自然摔紋牛皮配料製成,配有長帶可以斜揹。
Shop 103-104 Salad

市面上好多高跟鞋都是好看不好穿,一向注重腳部健康跟款式並重的Walker Shop,為你推介兩款有姿勢有實際夏季高跟鞋。啡色帆布Mary Jane 粗跟鞋,外型復古,粗跟舒適,唔怕會腳痛。另一款藍拼白鏤空高跟鞋,以幼跟配夏日感覺藍白色,淑女感大增,鏤空設計又夠通爽,唔怕焗腳,返工行街都得!

Shop 309 Walker Shop

 

 
一季幾十款衫好閒,但係鞋總不能一季買幾十對。所以百搭時尚平底鞋就是女生的必備單品。簡約時尚款式配上不同夏日流行物料,輕巧舒適,容易配襯;夏日當然不少得必備水松涼鞋,配搭素色及時尚印花物料,百搭易襯,是每位女生的不二之選。
Shop 310 FOOTSPOT

除了一身造型,有無想過為家居都換季?The LS Collection就有大量世界各地的珍品,讓你的家居增添生氣。為你介紹手工玻璃箔片蘋果擺設,由經驗老到的玻璃工匠人手製造,內裡注入金箔片,搖動時雪花紛飛,非常有詩意。如果增加浪漫氣氛,可以選擇來自意大利米蘭一雙一對的大聖鳥,全手工兼一無二,如果有朋友結婚,也不妨考慮作為禮物。
Shop G13 The LS Collection