黃家棒打鴛鴦 馬國明 黃心穎玩唔耐

劇集谷胸色誘

四年前選港姐入行的心穎BB，其實早早自爆非常仰慕馬明，希望有朝一日可以跟男神合作。終於13年心穎有份客串馬明主演的《On Call 36小時II》，去年更在《為食神探》中以小背心谷胸上陣，盡騷激凸身材之餘，又賣大包與馬明零距離身貼身，男神都被電到暈得一陣陣！

早前就傳出心穎主動出擊，怕醜仔馬明被女方強勁電力攻陷，二人成功撻着熱戀近一年！心穎更不時載馬明到油塘香閨蜜會。但為配合男方一向低調的作風，拍拖時多是留在兩人家中，談談心玩玩狗，以免戀情「見光死」。

心穎拒認戀馬明

不過戀情傳出後，日前心穎接受本刊時卻一改過往迷戀馬明的冧樣，強調兩人只係普通朋友，連心事都唔會傾，最多都係傾公事及車經。另外心穎又自爆現時有人追，不過暫時未有心儀對象。

家姐暗寸馬明老

至於心穎大家姐黃心美回應時態度冷淡，稱自己與馬明只係event上見過一次，完全唔熟，唔知對方為人如何。之後被問到馬明做妹夫點睇，心美則直言︰「我個妹咁後生！」擺明寸馬明年紀大！

孻女孻心肝

心穎爸爸係一位名中醫，對四個寶貝女的另一半都有極高要求，加上孻女孻心肝，黃父與大家姐心美都希望心穎嫁個好老公。雖然馬明係圈中出名的孝順仔，自己又有樓揸手，但畢竟年紀比心穎大逾15年，所以黃家上下都叫心穎睇定啲先！

內容延讀：

方東昇返嚟啦！《世界零距離III》10大爆笑金句

>>>LIKE我們fb<<<
www.facebook.com/newmonday.com.hk