《城寨英雄》大反派 44歲吳家樂玩陰險毒辣搶晒鏡

流行娛樂

廣告

最近的劇集《城寨英雄》中,已令多位主角、綠葉彈起如袁偉豪林穎彤林偉,除此之外,還有飾演大奸狗馮春美的吳家樂都大受歡迎!雖然角色一點也不討好,又陰險毒辣,不過家樂仔今次演出令人難忘,唔少觀眾力讚,有唔少人支持佢在台慶奪獎!

text-aMan(ig:amanachiu)

吳家樂X春美 造型夠嚇人

為營造冷血陰險一面,吳家樂每集都化超厚粉底加個血色紅唇,配合其陰陽怪氣演繹,加埋咁啱農曆七月鬼節,真係好嚇人!

 

 

 

春美已死 網民激讚吳家樂

 

白面馮春美奸足咁多集,害死城寨唔少街坊同刁蘭好姊妹胡妮,上星期終於俾花曼(王君馨)殺死,復仇成功!因春美一角而演技獲激讚嘅吳家樂日前接受訪問,話自己開拍前完全冇信心演好「春美」一角,好在監製不斷鼓勵,觀眾先有機會見到呢個脫胎換骨的家樂仔。