慳家何浩文屈住工廈 捱足7年終上位

流行娛樂

廣告

王晶出品,是否必屬佳品就見仁見智,不過《賭城群英會》有大卡士同老戲骨撐場,又有三點式晶女郎點綴,一出街隨即引起話題就是真的。其實晶哥都不是只偏心晶女郎,旗下晶男郎、御用鴨王 何浩文 一樣被力捧拍住馬國明、黃浩然做男主角。 不說不知,何浩文 工作上有「晶爸爸」照,原來現實中還有個教育局高官親生爸爸!但人氣急升的「瀟灑哥」一樣逼港鐡坐巴士,更一個人屈住荃灣工廈單位,慳出新境界!

來源-東方新地圖片-東方新地

何浩文 捱足七年終上位

08年男子跳唱組合Bro 5出身、出過半裸寫真、8年前還做過無綫偶像劇《南華夢飛翔》男主角,28歲的 何浩文 捱足七年,直到15年全裸上陣演出《鴨王》才終於有個人代表作。14年簽埋晶哥做親生仔,食住《鴨王》個勢,高峰期一個月接超過廿場內地夜場騷賺人仔,年初又與友人合資開手握飯糰店做老闆,總算風生水起!

何浩文 憑「瀟灑哥」成功入屋

雖然《賭城群英會》口碑好壞參半,不過 何浩文 飾演「瀟灑哥」表現不俗,叫做成功入屋,近日頻頻在無綫節目出鏡。

因為「瀟灑哥」帶挈成功入屋,何浩文日前在九龍城一間茶室內與吳幸美、麥美恩齊齊為無綫新節目錄影。

何浩文 父親做教育局高官

在公,何浩文聽話聽教又賣口乖,懂得叫老闆王晶做「爸爸」,其實在私一樣有個「猛料老竇」,其親生爸爸何振業係教育局課程發展處總課程發展主任,母親是中學教師,他本人中學畢業後曾赴英國留學,家境相當不俗,不過仍願意入行捱騾仔!

拍劇時傳出和父母同是教育界的「十優港姐」麥明詩傳緋聞,原來不是高攀,都算門當戶對!

家境不俗一樣慳家

做鴨王做到入血、看似花弗的 何浩文 ,想不到工作以外都只是工作。日前他被本刊發現錄完節目後,先去天后健身三小時,之後再到荃灣練四小時桌球,為慳個錢,全程巴士、港鐡駁腳,更疑似平租工廈單位當居所獨居。

 

有自家工作室

之後 何浩文 在電話中親自解畫,說荃灣工廈其實是自家工作室,他對本刊記者說:「我父母住荃灣、自己喺荃灣都有個竇自己住,不過一返到屋企就會有惰性,所以係特登逼自己喺studio過夜,寫吓劇本、剪吓片、練吓歌可以做多啲嘢!」成了佢第二個家。

近日何浩文剛剛完成另一部晶哥網劇從內地回港,回港後真正體驗電視劇入屋威力,去到那兒都有街坊要求合照,他說:「以前識我嘅觀眾局限於16至30歲,套劇出街後,真係多咗其他年齡層識我。收入同工作係多咗,不過我係工作狂又唔鍾意瞓覺,一日流流長起碼食五、六餐,所以慳得就慳,留番啲錢食飯同儲嚟買樓好過!」