都市傳說?雷莊𠒇、麥明詩、馮盈盈!連續三屆港姐冠軍捱負評!

流行娛樂

廣告

雖然,《2017香港小姐競選》已經完咗個幾禮拜,不過網上的熱烈討論依然停不了!出爐冠軍雷莊𠒇飽受抨擊,特別是她的外貌更成為大家茶餘飯後的話題。日前麥明詩、馮盈盈同雷莊𠒇三位港姐冠軍「三代同堂」合照,盈盈更寫了一番感言,類似係以過來人身份安慰一下師妹,不過網民一於少理,將呢三位都曾飽受批評的港姐再比較一番!其實連續3屆的港姐冠軍都受到網民抨擊確實是非常罕見,唔通真係新一代都市傳說?

text-東方新地 、cherie edit-Cherie photo-東方新地、雷莊𠒇IG、新傳媒資料庫

雷莊𠒇、麥明詩、馮盈盈!連續三屆港姐冠軍捱負評!

雷莊𠒇成為新一屆港姐冠軍,可是不滿之聲頓時四起,首先係鄭裕玲(Do姐) 決定冠軍誰屬,令人覺得有「造馬」之嫌;另外唔少人認為雷莊𠒇外貌不及其他佳麗,中文能力也未能表達出自己的感受,如何代表香港?

雷莊𠒇受到的抨擊實在係近年少見,日前去屆冠軍馮盈盈就上載一張同雷莊𠒇、以及前屆冠軍麥明詩的合照,三代同堂,其實連續3屆的港姐冠軍都受到網民抨擊確實是非常罕見!盈盈更寫下感言,希望以過來人身份安慰師妹。不過網民們一於少理,爭相替呢三位港姐冠軍排名次,重新選過一樣!其實麥明詩同盈盈當選初時亦飽受批評,不過今時今日已成長不少,唔知雷莊𠒇將來條路又會係點呢?

貼地的十優港姐 麥明詩

2015年港姐冠軍麥明詩 (Louisa),絕對的高材生,當年會考取得10A佳績,後來升讀世界著名學府劍橋大學法律系,大家都愛稱佢為「十優港姐」。本來麥明詩當選網民並沒有怨言,她更憑高學歷,成為一時佳話,不過Louisa入行初時被指「離地」,而且難相處人緣麻麻,猶記得佢當選冠軍的晚上,一眾佳麗猶如摩西分開紅海一樣退到兩旁,完全冇人上前祝賀……

可能以港姐冠軍來說,Louisa又真係唔算咩神級靚女,不過靚女與否其實見仁見智,而Louisa確實有種高材生的氣質,加上現時待人處事變得成熟圓滑,談吐舉止大方得體,加分不少!Louisa又以敢言見稱,不時對社會時事發表意見,離地變貼地!

大家對Louisa印象好咗,佢喺大台亦有唔少機會,早前大結局的《賭城群英會》亦有佢份,不過演技暫時未得到觀眾認可,還要加倍努力!

真性情港女 馮盈盈

畢業於港大營養學系的馮盈盈喺選港姐之前已經薄有名氣,有個外號叫「甫士王」,之後更加係由初選到決賽當日都係大熱門,最後成功摘得后冠而回。如果想比麥明詩或雷莊𠒇,盈盈絕對算係個典型靚港女,相信大家都認同!

係個土生土長港女,唔少人覺得佢有欠氣質同港姐冠軍的風範,尤其當選冠軍被爆曾喺社交平台連環爆粗,故被冠「粗口港姐」之名。事後盈盈接受訪問都話自己「少不更事」,深深明白無論係小人物或大人物,都必須慎言。

盈盈如今喺大台獲得唔少機會,既有主持節目亦有參演劇集,同時不改一貫的港女作風,有嗰句講嗰句,不時發表一啲「踩過界」言論,更在新節目中分享對性的不同見解,作風大膽,但也唔少人喜歡佢貼地又流露真性情,算係為「港姐冠軍」寫下新定義!

2017年冠軍 雷莊𠒇

新鮮出爐冠軍雷莊𠒇 (Juliette),身材fit爆且大方得體有自信,可惜樣貌飽受批評,網民尤其對她的口和牙齒多加點評,更有人說她似足有「哨牙蘇」之稱的足球員蘇亞雷斯!另外唔少人不滿大會賽制唔公平令佢奪冠,Juliette又被爆有個身家億億聲的富爸爸,「造馬」之聲四起!

事後Juliette在社交網站直播,全程用英文回應,指自己一啲都唔care大家的負評,唔會為討好其他人而改變自己。但這似乎g