與Stephy分手半年 方力申秘撻何超蓮

Text-東方新地 photo-新傳媒集團資料庫、網上圖片

猶記得今年三月時，小方與Stephy突然透過公司發聲明宣布分手，正式結束十年情。多年來無論在電影中還是現實，佢哋金童玉女形象早深入民心，唔少人對兩人分開感難以置信。

小方與Stephy分開後，每出席公開活動時都會被追問分手一事，兩人更多次淚灑人前。雖然男方曾揚言努力箍煲求復合，但Stephy則堅拒復合，表示自己的世界裏沒有童話，在公在私都刻意跟前度劃清界線。

不過正所謂「時間可以沖淡一切」，分手半年後小方已經重新出發，踏上另一個高峰，因為今次對象唔係咩歌手索模，而係人稱「至索千金」的賭王何鴻燊三房千金何超蓮！據知小方早前在李蘊女兒的百日宴上認識超蓮，席上即大獻殷勤，坐在超蓮身邊，兩人有講有笑。更有傳兩人在超蓮好姊妹G.E.M.刻意拉線下，今年七月已開始拍拖！

事緣小方擔任「點滴是生命」活動大使多年，早前出發到尼泊爾做義工，探訪位於喜馬拉雅山山腳的貧民區。據知過往三年小方都係有Stephy陪同，但今年女主角就換上人氣女飛魚歐鎧淳，以及與小方前後腳飛去當地的超蓮！

超蓮本來答應擔任香港舉辦首屆Formula E賽事，不過未有待整個比賽結束，便提早飛住尼泊爾會合小方。雖然貴為千金小姐，但超蓮在山區五日四夜瞓睡袋亦無怨言，又落手落腳與當地人煮飯，叻女！

探訪結束後，小方及超蓮於15日離開尼泊爾，兩人在機場如同孖公仔形影不離，狀甚親暱。排隊等候安檢時，小方更不避嫌細心將水遞給口渴的超蓮，更幫對方開埋蓋，一支水，兩份飲！

遠在他方，戒心自然降低，小方之後更忍唔住出手掃超蓮玉背，又幫對方按摩頸部！小方咁細心，超蓮即時露出一副冧樣！之後兩人一度離隊，匿埋一角睇相傾偈，可見關係匪淺！

對於傳出新戀情，超蓮就例牌否認，佢表示同小方只係普通朋友，去尼泊爾純粹係探訪。一支水兩份飲唔係真的，其實係一人各帶一支水，臨上機前飲多一啖而已。至於按摩，係因為探訪由朝早5點開始做到夜晚，期間又要擔水又要煮飯，所以小方先幫手按兩下！超蓮重申小方係一個可靠的朋友，但唔係男朋友，現階段佢只會俾心機工作及俾心機讀書。
內容延讀：
《雲畫的月光》大結局！重温10句勁感人對白
>>>LIKE我們fb<<<
www.facebook.com/newmonday.com.hk