台慶劇《幕後玩家》 陳煒、陳自瑤大玩SheShe戀?

流行娛樂

廣告

《巨輪II》播出以來,一直負評不斷,今個星期《巨》終於大結局,相信一班觀眾都非常滾動,而下星期將會播出卡士強勁的《幕後玩家》。

今次該劇以PR為主題,本來題材已經夠新穎、吸引,沒想到最爆的竟然是陳煒與陳自瑤於劇中大玩「SheShe」戀,令人更加期待《幕》的首播。

資源來源:東方新地

早前大台幕前幕後盡出,進行亮燈儀式,意味着正式進入「台慶月」。首部台慶劇《來自喵喵星的你》於剛過去的周一開播,而緊接《巨輪II》的《幕後玩家》亦將於下星期一(24日) 首播,宣傳攻勢浪接浪!

《幕後玩家》卡士的確強勁,黃翠如、蕭正楠、黃宗澤(Bosco)、張繼聰、劉佩玥等當紅藝人盡出,而根據官網資料,故事大致係透過公關公司的爭鬥,帶出人性的醜惡,亦會有家族糾紛爭產等情節。近日《巨輪II》因強暴戲引起熱話,唔知《幕後》又有冇重口味情節呢?

口味重唔重就未知,不過相信近日大家只要有開電視,都會不斷被呢幾條預告片洗腦,片中描寫的PR行業非常離地︰揸超級跑車,落車後頭也不回將車鎖拋落地俾泊車小弟;撞跌侍應玻璃杯,同樣係頭也不回,一把銀紙灑落地;而且似乎仲會勁多女埋身,想咀就咀,唔知現實中的PR朋友係唔係咁樣㗎呢?

睇番《幕後》劇照,發現劇中都有唔少咀戲,例如現實中係情侶的蕭正楠同翠如BB寓工作於親熱,攞正牌錫過不停。但翠如BB又會着住婚紗錫Bosco,關係真係七國咁亂!

另外仲有床戲喎!(好似係)

阿聰喺劇中真係豔福不淺!

唔單止好多咀戲,《幕後玩家》竟然將電影《無間道》的天台經典埸面重現,不過佢哋做PR啫,唔會真係有槍啩…… 可能喺劇入面做緊戲?

其實拍劇有咀戲都實屬小兒科,不過眾多劇照中發現驚人亮點,就係陳煒同陳自瑤兩位索人妻竟然有咀戲!就連煒哥本人都喺微博轉發呢張相。呢次真係如網民所講,YoYo真真正正嘗到「煒哥的味道」啦!雖然係sheshe,不過小編就覺得成個畫面好淒美啦!

另外兩張劇照中見到YoYo一面冧爆挨喺煒哥膊頭上,以及細心照料受傷的煒哥。據資料所得,煒哥在劇中的角色叫「顧成勳」,係翠如BB同父異母的家姐,甚具男兒本色,縱橫商場無敵手!而網上資料則指YoYo角色名為「林書榆」,不過就未有提及其背景。而小編就覺得YoYo感覺似係秘書,戀上剛陽味重的上司煒哥!

今次煒哥同YoYo突破性地在大銀幕上公然錫錫,難免令幾位主角頓然失色,反而令觀眾極期待兩人在劇中擦出的「愛火」!
內容延讀:
與Stephy分手半年 方力申秘撻何超蓮
>>>LIKE我們fb<<<
www.facebook.com/newmonday.com.hk