TKO2 V1 2

【運動祥】單車友必去!將軍澳海濱路線4大 checkpoint

近日天氣愈嚟愈熱,身邊有唔少朋友都開始約我去做運動,個個都話要出身汗、減減肥,操fit自己再去沙灘Show身材喎!但如果你唔想成日困喺Gym房,又唔想出去打波踢波咁激烈嘅話,其實踩單車都係一個唔錯嘅選擇嚟嘅!

今日我就介紹大家一條位於將軍澳嘅踩單車路線,大家約埋男/女朋友去拍拍拖又得,同屋企人一齊當作親子活動亦得,可以做運動之餘,又可以到處吹吹風,的確寫意!

 

Text – 運動祥  photo- 部分為網上圖片

Checkpoint 1

城市中嘅小漁港 清水灣灣畔徑

由將軍澳地鐵站出發,騎著單車沿指示牌前進,到達將軍澳運動場後向右拐,然後一直沿單車徑踩3分鐘左右便到達第一個checkpoint清水灣灣畔徑。當中由地鐵站至灣畔徑亦只需10分鐘左右。

富康單車1
到達灣畔徑後,就會見到一個小漁港,而對面就係清水灣半島。當你見到呢個畫面,你就知道自己無行錯路喇!(圖片來源: 富康單車)
weshare
假期時候都有唔少人鍾意嚟釣魚,天氣好嘅話重有好多人帶埋寵物嚟添!(圖片來源; WeShare)
富康單車2
沿住單車徑一直踩,就會到達將軍澳海濱,好舒服啊!(圖片來源: 富康單車)

Checkpoint 2

將軍澳海濱小碼頭

一直慢踩10-15分鐘,便會到達一個小碼頭。想停低睇風景?不妨推車走到海濱位置,如果好天氣嘅話,個 view 都唔錯㗎!

Dementia patient Diairy 2
搵張座椅坐一坐,看看海吹吹風,非常寫意!(圖片來源: Dementia patient Diairy)
Dementia patient Diairy 3
睇住遠處嘅高樓大廈,感覺到自己好似慢慢遠離城市嘅繁囂,爽啊!(圖片來源: Dementia patient Diairy)

Checkpoint 3

闖入將軍澳單車館公園

當你一直踩一直踩,然後見到熟悉嘅將軍澳運動場,咁就代表你已經圍繞海濱踩咗1個圈喇!大家有興趣嘅話亦可以轉入香港單車館公園,當中有極限運動場、緩跑徑、運動攀登牆及兒童遊樂場等,都值得入去睇睇嘅!

園內有廣闊草坪及人工湖,景觀優美,絕對係休憩嘅好地方。
不過入到去都唔係咁容易可以使用賽道,因為大家要手持由康文署簽發的單車賽道使用證,先可以租用香港單車館的賽道設施㗎!
場內無比賽時,賽道中間會化身羽毛球場,供市民租用。

Checkpoint 4

期間限定  將軍澳廣場單車Pop Up Store

離開將軍澳前大家記得入到地鐵站附近嘅將軍澳廣場,因為即日至 3/8喺將軍澳廣場1樓中庭,將會擺放BIKEAHOLIC單車POP UP STORE,各位單車發燒友記得唔好錯過啊!

_MMW5784
Pop Up Store現場亦算寬敞,用品亦分門別類,應有盡有!
當中亦擺放了單車運動員Brian Cook嘅珍貴戰車,絕對值得去朝聖一下!
當中更有小朋友專用嘅單車服及頭盔發售,款式重好齊全,不妨考慮下培訓你嘅小朋友成為單車界明日之星吖!
一系列小朋友嘅單車零件及配件一目了然,感覺好專業啊!

日期: 即日起至8月3日

時間: 上午11:30-晚上9:00

地址: 將軍澳廣場1樓Zone C

廣告

YOU MAY ALSO LIKE ...