拎支唇膏出嚟!就知你係點嘅女友!

熱話

廣告

面相、星座、生肖可以測出性格同埋運程,我都信信哋嘅,乜唇膏都得㗎?唔同嘅女仔都有唔同嘅化妝習慣,所以用過嘅唇膏形狀都各有異同,而唇膏形狀就正正可以透視你嘅愛情觀,你/你身邊嗰位,究竟屬於邊系女友?呢個心理測驗連編輯部美容組玩過,個個都話準,我哋究竟有冇點你?試過你咪知囉!

text-edel photo-sun

A. 單邊斜形

你係竊聽系女友!你戀愛大過天,一拍拖就有異性冇人性,最鍾意發白日夢,好重視約會嘅浪漫氣氛同情調,但有時就會少咁啲安全感囉,唔係對方花fit,而係你對自己冇乜信心!如果男朋友同其他女仔傾計,或者唔記得打電話俾你,你就會呷醋同埋唔開心,除非佢主動同你say sorry,唔係任性嘅你重係會耿耿於懷。

其實你呢種性格真係冇事搵嘢嚟煩,建議你加強彼此嘅信任感,對自己多番啲自信啦!

 

B. 略平半圓形

你係控制系女友!你最鍾意掌握感情嘅主導權,樣樣嘢你都要管住晒,你對男朋友嘅外表同個性都好鬼挑剔,約會不論係食飯定睇戲,都要先問過晒你嘅意見,有啲咩不滿就會發脾氣!雖然你成個大小姐咁,成日管住男朋友,但都有sweet嘅時候,都重可以感受到你嘅浪漫同體貼。

其實男朋友唔係你隻狗,建議你發少啲爛渣,多啲向男友撒嬌,關係會更加close。

 

內容延讀:

>勁過EXID Hani!5式高難度腳拍Selfie

再測!5條問題即知你男友係《龍珠》咩角色

>你頂得順嗎?10級冧爆韓式情侶裝

C. 平坦形
你係收兵系女友!其實你都幾open,對愛情嘅態度非常之開放,見到鍾意嘅對象會好主動出擊,所以好容易令異性覺得你嘅感情世界好複雜,鍾意收兵做娘娘,享受被狗公捧上天嘅感覺,甚至覺得你會一腳踏兩船!所以同你拍拖嘅人成日都好驚你只係玩玩下,對感情唔認真,不斷懷疑同試探你。

建議你收少幾隻兵,俾男朋友感受你嘅誠意同專一,令佢對呢段關係有番信心!

 

D. 圓形
你係黐身系女友!你份人相當念舊,諗嘢好小朋友,亦都好任性,成日都無理取鬧,對任何紀念日都過份執着,對方一冇上心,就會變得好抑鬱,有時令男朋友都頂你唔順。當你熱戀時,更加希望對方1日24小時都陪住你。

其實每個人都係獨立個體,建議你俾番多啲空間男朋友,聽下對方感受,做個體貼嘅女朋友,感情先至會健康㗎。

 

E. 凹陷形
你係咩都唔系女友!你拘謹、保守,放唔開身段,成日期待白馬王子有日會主動追求你!有時亦會壓抑自己嘅內心同感受,唔敢主動表白,令對方摸唔清你真正嘅想法。

建議你大方啲,不妨主動示愛,多啲製造同心儀對象單獨相處嘅機會,如果唔係你都幾難有拖拍!

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!