愛回家|爆紅荃灣豬肉AK威威火速上位 進駐TVB拍《愛回家》?

流行娛樂

廣告

荃灣爆紅ak豬肉威威劉宋威最近大搞生日會俾奶師粉絲熱捧之外,仲開始接唔同廣告Job,簡直係豬籠入水!近日網上瘋傳一張疑似威威拍《愛回家》的照片,唔通威威進駐TVB,拍《愛回家》斬豬肉?!

威威
(圖片來源:《愛.回家》外景拍攝圖)

TVB搵威威加入《愛回家》撼ViuTV?

處境喜劇《愛回家之開心速遞》可謂TVB劇集中比較貼地而且風格都較大膽,會抽水最新時事問題,收視一直都唔錯。近日網上突然瘋傳一張疑似威威拍《愛回家》的照片,事源一名網民撞到《愛回家》劇組正在戶外拍攝,見到一班師奶包圍住疑似威威身影的人打卡影相,懷疑TVB睇中現時紅爆的威威拉駐入《愛回家》撼ViuTV。原來呢個疑似的「威威」係《愛回家》的Terry(李偉健),網民都估之後《愛回家》其一集應該會抽水威威爆紅事件,所以搵Terry嚟模仿。

威威
(圖片來源:ig@waiwai_608)

重溫Super Tiger成員「蔥頭」丘梓謙扮姜濤上位

除咗扮威威之外,之前《愛回家》都有人扮過姜濤。TVB男團Super Tiger成員之一「蔥頭」丘梓謙因《愛.回家之開心速遞》「蔥頭」扮演Mirror成員姜濤而引起關注。不少觀眾都視他為惡搞版「姜濤」,唔止打扮相像,就連角色設定、背景、行為、小動作等都不難找到姜濤的影子。

威威 葱頭咁畀心。
(圖片來源:《愛回家之開心速遞》截圖)

重溫威威串爆Mirror同Collar 指其粉絲係「傻hi」事件:

荃灣爆紅ak豬肉威威劉宋威人紅自然是非多,被爆出之前疑似做過傳銷一職外,近日再有YouTuber拍片爆出有疑似威威串男團Anson Lo,大鬧mirror同女團collar的粉絲一事!?近日一個名叫苦男的youtuber於佢的youtube頻道《苦男Bitterboy》就放咗一條影片叫「豬肉佬威威大罵Anson Lo!!」,內容講述苦男頻道下的粉絲就入咗一個名叫「威威應援團(劉宋威)」的TG群組,入去後發現一個名叫威威的人就喺群組度大鬧追捧時下Viutv大熱男團mirror同女團collar的粉絲是「傻hi」,仲形容mirror同collar係「cheap嘢」:「有幾毒先會追呢班cheap嘢,day一早俾韓國淘汰咗,有能力你估佢留低咩,candy造星之前連fam j都不算,化個妝方面人變成女神,運動員?港青選秀都未入到,佢間中學d2定d3?」雖然名就叫威威,但實質係咪本人就未能確實。

圖片來源:《愛.回家》外景拍攝圖、《愛回家之開心速遞》截圖、ig@waiwai_608