豬肉威威荃灣生日會過百粉絲舉牌支持場面墟冚 粉絲尖叫示愛
廣告
荃灣豬肉ak威威魅力沒法擋，近日威威fb應援團的粉絲知道威威生日將近，即刻聯同荃灣的商場大搞生日會！今日（5日）粉絲期待已久的威威生日會終於來臨，商場一早已聚集不少粉絲到場支持，就連亞視一姐阿儀亦被吸引到場，唔少粉絲即問阿儀係咪暗戀威威？威威最後仲因此感動落淚！
威威生日會 逾過百粉絲
爆紅荃灣豬肉分割員AK威威爆紅後，粉絲知道嚟近6月8日生日的威威，幫佢大搞生日粉絲見面會，嚟個近距離接觸！今日（5日）荃新天地1期花園廣場，3時正開始生日會，未夠3點已聚集多名師奶粉絲，炎熱中午，粉絲們一早就舉晒牌等威威到場。威威為回饋威威豬們，仲上台表演整愛心漢堡扒，同粉絲大合照，滿足粉絲心願，早前威威喺自己的YouTube頻道中玩你問我答，威威就透露自己錫粉絲，以粉絲為先，果真無錯！威威仲因為咁多粉絲支持自己最後仲落下男兒淚，相信今次的生日會威威相當滿意！
亞視一姐阿儀都係威威忠粉？網民：暗戀威威！
早前威威爆紅時，唔少人都到威威工作地方朝聖時，亞視的阿儀就早已捷足先登，到場求合照。今次阿儀都無錯過威威的生日會，遠處影住威威，仲係影片中講咗句：「佢煮緊嘢食」，呢排於IG成日常po學習烹飪的阿儀係咪覺得大家都有共同興趣？唔少阿儀的粉絲見到後都問阿儀係咪暗戀威威！
圖片來源：ig＠ching_yee0205，fb@荃灣鮮肉威威應援團，ig@waiwai_608
