《壯志凌雲：獨行俠》無懼中資撤資創出佳績 證明內地市場唔重要？！
廣告
由荷李活巨星 Tom Cruise 湯告魯斯主演電影《壯志凌雲：獨行俠》（Top Gun: Maverick），經歷撤資同疫情等問題，終於順利搬上大銀幕，雖然闊別36年，但電影仍不負眾望，自5月係全球各地上映後贏盡口碑，開畫後即大收旺場，票房報捷。係美國上映7日，累收超過2.05億美元（約16億港元）海外暫收1.85億美元，係欠缺中國同俄羅斯兩大市場下，全球累積票房貼近4億美元票房（約31億港元），創出佳績，並係多個媒體平台引起迴響，更有文章評論指荷里活電影應該審視否再需要中國市場。
騰訊撤資全因電影太熱血：歌頌美軍及美式英雄主義
中國公司騰訊控股起初於2019年簽署注資協議，但後來騰訊又從《壯志凌雲獨行俠》中撤出投資。據外媒報導，撤資原因是這部電影過於「熱血」據悉有人透露，騰訊高層擔心公司與一部歌頌美國軍隊嘅美式英雄主義電影扯上關係對公司會帶來負面影響，因此騰訊最終於2019年底完全退出呢部耗資1.7億美元嘅電影。屬於近來又一部因美中關係惡化而無緣中國大銀幕嘅美國電影。
《壯志凌雲：獨行俠》證明荷里活不需要中國
電影報捷後，外媒表示，呢部電影短短上映4天已取得3億美元票房，實現咗近四分之三盈利目標，更重要並無於中國市場賺到一毫子就達到呢個目標。呢點可能代表咗荷里活電影嘅一個轉折點——儘管失去中國市場，但呢部讚頌美國軍事優勢嘅電影仍大獲成功。指美國電影公司易家應該抓緊時機，重新調整佢地嘅市場策略，減少對中國電影觀眾嘅依賴。
曾迎合中國市場刪走致敬情節，最後原汁原味還原
外媒又提到1986年嘅《壯志凌雲》中，男主角身著嘅皮褸上面縫製著代表日本和台灣嘅旗幟。而該情節係電影當時為紀念美軍巡洋艦加爾維斯敦號（USS Galveston）1963至1964年遠東巡航任務而加入，因為當時該艦途經日本、台灣。起初係電影公布嘅首預告中，見到湯告魯斯件飛行皮褸背面刪走咗日本及台灣旗幟，此舉被認為係因為電影初期部分資金來自中國公司騰訊控股。然而當電影正式上畫，觀眾睇到日本及台灣旗幟亦重回皮褸上，此舉應該同騰訊最後撤資有關。
圖片來源：電影《壯志凌雲獨行俠》截圖、電影《壯志凌雲獨行俠》海報、電影《壯志凌雲》截圖、電影《壯志凌雲》海報
