荃灣豬肉打進內地市場 推出「威威攬枕」 師奶感幸福！
廣告
爆紅荃灣ak豬肉佬熱潮不斷，除咗引嚟一眾師奶到訪荃灣街市潮聖打、開埋facebook應援團不得止，仲因此掀起一埸血雨腥風的街市佬比拼，而家仲進軍內地市埸？！不過唔知真定假！
發掘街市型男 組男團撼Mirror
全因帥氣外貌、深邃的眼睛被指激似男團mirror 成員Anson Kong 江𤒹生（AK)的荃灣豬肉佬，引起一連貫一發不可收拾的事件。無論男、女、老小都一一荃灣打卡，打到開埋facebook粉絲群組「荃灣鮮肉威威應援團」，截至今天11日已達過萬粉絲，仲令師奶們掀起一股「發掘街市型男」熱潮，除咗到訪唔同街市偷拍型男外，仲支持組起男團力撼Mirror咁話，男團名都諗好叫「Super Marker」！
變香港網紅 進軍內地市場
有網民就發現荃灣豬肉佬已衝出香港，進軍內地市場，淘寶已經開始發售印有荃灣豬肉佬樣子的「阿威攬枕」，標題更寫上「香港網紅」、「送禮」等字句以吸引買家，售價為HK$65-188。網民放上粉絲團後其成員見此即留言問：「有無1 比1 咁長呀??我想夾住佢訓呀」「見到都想流口水 」「買咗我咪可以每晚用我大脾鉗住威威咯?！」，不過唔少粉絲指淘寶好似已經落咗架，搵唔到攬枕。
圖片來源：FB@荃灣鮮肉威威應援團
