水晶|戴水晶運勢反而差左!港女網上求教 網民列點回應 原來一直都戴錯咗

熱話

廣告

水晶|唔少人認為水晶具有天然能量,可以改變事主的運勢,但原來天然產品需要長時間才能發揮不同功效,早前有一位港女上網開PO求教,認為自己戴完「水晶運勢反而差左」,網民列點回應返佢,原來好多人一直都戴錯咗,到底點先係正確?一齊睇睇咩情況!

水晶|戴水晶運勢反而差左!港女網上求教

對於天然礦物「水晶」嘅「神奇功效」,好多人有抱有唔同態度,但大多人都會覺得「一試無妨」。日前就有網民網上開PO,直問「有冇人試過戴水晶運勢反而差左?」,而且更表示「由買咗第一條紫水晶開始呢,個運勢就慢慢咁開始差咗」。

由買咗第一條紫水晶開始呢,個運勢就慢慢咁開始差咗。
突然之間呢就想發脾氣,個人極度情緒化勁冇安全感。有種患得患失嘅感覺。

跟住呢覺得紫水晶好似唔係好旺喎,又去額外買咗啲草莓晶,再去買咗超級七,綠碧西。跟住係越買越多,基本上係一個月買咗三四條嘅嗰種。然後儲到係有10幾廿條水晶手鏈然後買咗個紫水晶柱擺喺屋企。

但係我發覺我工作好似越嚟越差
每日都好似精神唔好咁
面色仲要開始變得暗黃
唔鍾意講嘢又唔鍾意笑
同屋企人相處嗰陣時,完全係冇表情係唔想理人
成個人真係好似一具行屍走肉
仲要晚晚都飲酒係嗰種冇酒瞓唔着覺嘅感覺

大家有冇呢一種感覺啊?定係其實帶水晶有反效果嘅人得好少?我都唔想浪費咗我啲水晶手鏈,我依家都唔知點算好。話晒之前都洗咗咁多錢買咗

水晶 運勢 水晶
(圖片來源:LIHKG)
水晶 運勢 水晶
(圖片來源:LIHKG)

水晶|網民列點回應 原來一直都戴錯咗

其實水晶係一種天然礦物,因為來自天然而且長時間才能成形,所以唔少人都相信具天然能量,能夠能夠發揮不同功效,如有些水晶就能夠旺桃花運、有些則能夠旺財、旺人緣等。另外,水晶的價格亦相差很大,除不同品種價錢有差,而同類水晶亦因來貨及產地、品質價格亦大為不同。不過唔少信水晶者,都係抱著一種「寧可信其有」心態。

面對港女嘅提問,一眾網民各有不同意見。部份向港女事主作出理性分析,表示只係港女事主「戴唔啱」所以導致「磁場差」。亦有網民搬出經驗之談:

水晶唔係話買咗就得,需要理解能量嘅運作

就好似你年廿八大掃除咁
一開始執屋一定係摷晒d垃圾出嚟,亂到傻
然後先開始進行分類、清理/歸位
成個過程做晒之後間屋先會整齊乾淨過之前

情緒垃圾都係咁
水晶嘅高頻振動會提高你自身嘅頻率
幫助清理情緒垃圾
以及潛意識層面嘅一d有問題嘅信念系統
一開始可能個人會脾氣差咗,或者係身體上出現排毒反應(屙、嘔、出疹等等),咁樣係釋放緊你之前積壓嘅負面情緒,情況因人而異
只要能量清理完成,重新整合,你嘅狀態就會比之前好

水晶 運勢 水晶
(圖片來源:LIHKG)
水晶 運勢 水晶
(圖片來源:LIHKG)

不過亦有網民直斥「信既人都智商低!」,更表示「如果帶條野就會好或者壞,諗吓呢個世界冇窮人個個都幸福快樂」。亦有網民表示水晶只係「裝飾」,要改變運勢「心態80%呀」。


有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

撰文:HM圖片來源:LIHKG討論區截圖