「劍神」張家朗奪金受訪期間 陳約臨發姣不斷示愛惹網友反感大鬧 Kelly：我都係適合外國人taste！
撰文：八卦妹｜圖片來源：ViuTV截圖、張家朗IG、陳約臨IG
東京奧運｜港隊張家朗為香港贏金牌 上次已是廿五年前李麗珊
「劍神」張家朗成功奪金全城歡呼
「劍神」張家朗昨晚（26日）在東京奧運男子花劍個人賽中，對上屆冠軍意大利劍手格羅素，兩人在對賽時分數拉鋸得十分利害，唯在最後張家朗一個快步進攻，與格羅素一同在雙方身上奪分，最終以15 ： 11擊敗格羅素，成功為港隊奪下回歸後首面金牌，全城歡呼；而一眾的名人紅星亦有在網上發文祝賀張家朗奪金。
曾就讀林大輝中學的張家朗在數年前曾返母校，當時林大輝就揚言：「若奧運奪牌，會送層樓包做業主」，所以當張家朗成功奪金後，一眾網友及媒體就即時找林大輝要求「找數」，而林大輝亦有一一回應送樓承諾。
相關文章：
東京奧運｜張家朗奪金林大輝坦言落淚回應送樓承諾 群星發文齊祝賀全城歡呼！
張家朗奪金受訪 陳約臨發姣不斷示愛
「劍神」張家朗在賽後就到媒體區接受媒體們的訪問，無綫方面派出小花陳約臨（Kelly）上前訪問張家朗，之不過，在整個訪問期間，陳約臨就向張家朗講：「而家所有人都睇住你做live，我…我…我好鍾意你呀，點算？」，後來又再講，「我已經係流淚，我直頭喺觀眾席流淚，要喊。」而當張家朗講到自己要調整心態作賽、多謝家人的支持同體諒，並提到不敢相信自己正是金牌得主時，陳約臨又再講：「可唔可以喺呢度同你屋企人講聲多謝？」、「我要叫你金家朗，唔得！唔得！你係香港人嘅驕傲，好proud of you，頭先做live時問香港市民想對你做咩，佢哋叫我畀個飛吻你？」之後又向張家朗呈上飛吻，搞到張家朗勁尷尬。
網友狂插陳約臨無禮貌：有無尊重過人、尊重過場合啊？！
網友看到訪問後，即時在討論區內開帖大鬧陳約臨，並同時紛紛去到陳約臨IG內留言大鬧：「你頭先嘅表現 唔知我以為家朗訪問你添，仲話自己係講師 笑死」、「你做訪問好廢 反省下啦」、「唔尊重，唔專業」、「好心你 唔好影衰香港記者啦」、「其實del post係無用架，真心7出國際就預左比人diu架啦，影衰晒」而陳約臨見社交網站負面評語不斷，即時刪去帖文。
陳約臨IG Follower突增 自言：我都係啱外國人 taste多啲
有媒體就找陳約臨作簡單訪問，指有網友到其IG內大鬧情況，陳約臨就表示自訪問張家朗的片段外出後，其IG的Follower即時急增，雖然都有點驚，但都去睇，發現網友都幾講得中，除了「公主病」這項外，所以都覺得網友幾搞笑；之後她又指自己應適合外國人的taste。
陳約臨曾參選《2016年國際小姐競選》終15強止步
陳約臨於1995年在上海出生，直至小學時期才來港居住，並於珠海學院新聞及傳播系讀書、畢業。在2016年時，陳約臨參加《2016年國際小姐競選》，雖15強止步，但獲得「Miss International Asia」之稱號，翌年，她就加入TVB任主持職務，曾參與如《丁酉年沙田龍舟競渡》、《2018平昌冬季奧運會 – 精彩全接觸》、《體育世界》等節目並擔任主持。
