個人資料｜垃圾掃唔到 資料隨時冇 揭手機程式盜取資料急下架
廣告
個人資料｜唔少人部手機都會裝有呢類手機管家程式，撳個掣就可以幫手機清理唔用嘅垃圾，從而析出更多空間，但大家有冇留意到，唔少呢類程式表面睇起嚟係幫你清理手機垃圾，其實空間冇因為清除所謂「垃圾」而增加之餘，呢類程式重會背後暗地裡不斷偷取大量手機嘅信息，用家個人資料隨時不保。
撰文：odin ｜ 圖片來源：程式官網圖片
個人資料｜垃圾掃唔到 資料隨時冇
市面上有唔少手機清理應用程式聲稱，撳個掣幫手機清理唔用嘅垃圾從而析出更多空間，其實背後暗地裡不斷偷取大量手機嘅信息，早前外媒報導上直接點名批評「手機管家 PRO」呢款手機應用程式，並指測試人員喺進行測試後發現，該程式望落好似幫手機清理手機垃圾，實際上喺背後不斷盜取手機信息，目前呢款程式已從手機應用商店中下架，並提醒老人家要慎用手機清理應用程式避免誤墮詐騙陷阱，目前「手機管家 PRO」呢個程式，已經從小米、OPPO、HUAWEI等手機應用商店中下架，至於其他類似嘅程式會否出現問題，建議用唔著嘅嘢都係清緊佢，以免個人資料暗中流失。
個人資料｜揭手機程式盜取資料急下架
經外媒測試過該應用程式後，表面睇起嚟好似真係清理緊手機垃圾，實際上背地不斷地偷取手機信息及個人資料，該應用程式重會使用數據進行用戶分析，並向「容易被誤導和誘導」嘅用戶手機發放各種低俗、劣質，甚至帶有欺騙套路嘅廣告內容，令一班老人家誤墮詐騙陷阱。70幾歲嘅李女士通過智能手機看新聞、小說嗰陣，手機屏幕總會突然彈出一啲「安全提示」，例如出現「病毒」「垃圾」「內存嚴重不足」等情況，按照提示李女士清理咗手機，但佢發現這些所謂「安全提示」越清理越多，手機越用越慢。日前中國一班電子專家對呢個現象進行咗監測，喺一款小說閱讀軟件入面正常閱讀，過程中出現咗「安全清理」提示，點擊完之後就下載及安裝咗一款叫「內存優化大師」嘅App，喺自動清理過程入面繼續彈出「清理手機緩存」提醒並點擊過後，手機又再次下載咗安裝，「超強清理大師」呢件事只會不斷「提醒」、「下載」、「清理」咁樣無限loop落去，沒完沒了。
