【最佳App 2020】iPhone App Store 2020年最佳熱門App,Yuu居然拎第一!Apple公布2020年最佳App得獎名單

應用程式

廣告

【最佳App 2020】Apple 今日公布 App Store 2020年最佳精選得獎名單,選出最佳 15 款程式及遊戲,名單入面有唔少港人生活上常用程式,第一名重係畀佢首歌洗晒腦嘅「Yuu獎賞計劃」,不如一齊望下份名單睇下你部手機裝咗幾多樣。

撰文:Odin |圖片來源:Apple|編輯:海月

【最佳App 2020】iPhone App Store 2020年最佳熱門App,Yuu居然拎第一!Apple公布2020年最佳App得獎名單

2020 年度最佳 App
iPhone 年度最佳 App:《Wakeout》
「Wakeout」每日都會喺動作庫入面隨機挑選三個動作組合,等使用者一起身張開眼睛就可以跟住 App 一齊郁一郁鬆一鬆,呢啲動作基本上都可以喺床上或床邊完成,重可以拎枕頭做道具,拋接或者做出打拳動作,螢幕度重有真人示範帶住你一齊做,搭配節奏強烈嘅背景音樂,令你每朝都可以喺有活力狀態下展開。

【最佳App 2020】iPad 年度最佳 App:《Zoom》
《Zoom》隨身多屏視訊會議程式,結合雲端視訊會議及線上會議及即時群組訊息等功能,係一款容易上手及操作嘅應用程式,你可隨時隨地喺各平台裝置上快速及輕鬆地召開或加入一個多達百人嘅線上會議,《Zoom》會議具有超清晰嘅視訊面對面通訊,高品質螢幕共享以及極之方便嘅即時訊息功能等。

【最佳App 2020】Mac 年度最佳 App:《Fantastical》
《Fantastical》係一款老牌且口碑唔錯嘅日曆應用程式,亦能夠顯示數據來自《AccuWeather》未來十天的天氣情況,等你更早一步掌握你未來行程。每日查看行程及安排事件都可以因應天氣情況作為輔助,唔使下下跳嚟跳去其他天氣應用程式查,看當天的天氣信息還能顯示一天內的天氣與溫度趨勢,非常實用。

【最佳App 2020】Apple TV 年度最佳 App:《Disney+》
《Disney+》係迪士尼推出嘅線上串流媒體隨選視訊平台,由華特迪士尼公司嘅華特迪士尼直接面向消費者及國際分部掌管和營運,此平台主要專注於來自華特迪士尼影業集團與華特迪士尼電視集團製作的影視內容,還計劃開發現有及新嘅原創節目,包括漫威影業相關影視作品及盧卡斯影業嘅《星際大戰》系列等。

【最佳App 2020】Apple Watch 年度最佳 App:《Endel》
音樂有治癒人心嘅效果,無論想要專注或者放鬆都可以透過聽點適合嘅音樂嚟輔助,「Endel」音樂播放器提供了放鬆、專注、移動以及睡眠四種模式,可根據唔同嘅需求為你調配最佳嘅個人化音樂。

2020 年度最佳遊戲

至於香港方面,最佳免費熱門遊戲第一名係由專為 iPad 設計嘅《Brain Out 12+ 腦洞大師 囧才大考驗》,付費遊戲排行第一位就由《Plague Inc. (瘟疫公司)》獲得,至於最佳熱門 App 就係《yuu獎賞計劃》,《ZoomCloud Meetings》都只係屈居第二,付費 App 排行則由《Shadowrocket》獲得。

 

同場加映

「YUU!」絕對是近來最多香港人聽到的歌曲,不只因為店內播放歌聲成為洗腦歌,更會無時無刻都在腦海中響起。有網民更表示「YUU」經已超越「Donki」,「日日Loop住,人都癲!」,成為新一代「洗腦神曲」,即刻睇睇一眾網民對YUU點睇法!

YUU殺到!10大洗腦神曲排行榜 可能係林子祥最多人聽嘅歌 YUU超越Donki