【fb呃Lik教學】1分鐘學識玩轉 腦朋友阿愁 阿樂 指甲

電影

廣告

當你無論打開facebook定《Instagram》,都不斷見到 腦朋友阿愁 同阿樂嘅影踪嘅時候,你就知道《玩轉腦朋友》係幾咁受歡迎!最近就連佢地嘅公仔都被全城瘋狂搶購(重未搶到?可睇番我哋嘅搶購 腦朋友阿愁 攻略)。真係搶唔到?都唔緊要,畫上指甲一樣開心!今次就教你DIY畫 腦朋友阿愁 、阿樂指甲,同場重有蛋黃哥、Minion等4個可愛到爆嘅指甲圖案參考。DIY腦朋友阿愁 、阿樂指甲靚之餘,重可以影相放上網勁呃like,威過剩係攬住隻公仔多多聲啦!

text-Emily(ig:emkiuuuuuuuu) photo-網上圖片

腦朋友阿愁 定阿樂?邊款卡通甲你最like?

即學點畫畫阿愁Step by step:

1/先搽深藍色甲油打底。

2/將大頭針拮喺鉛筆上面,當係圓頭筆咁用。點上白色指甲油,喺甲面上畫兩個白色圓圈做對眼。

3/喺白色圓圈上面,點兩個細嘅黑色圓圈做眼珠。

4/之後當然唔少得一對向下斜嘅愁眉。

5/然後拎支牙籤,用黑色甲油圍住白色圓圈畫個框,用嚟做阿愁副眼鏡。

6/最後畫埋個愁到爆嘅咀就搞掂。

 

即學點畫阿樂Step by step:

1/先搽黃色甲油打底。

2/用白色甲油,畫兩個白色圓圈做對眼。

3/再用深藍色甲油,喺白色圓圈上面畫眼珠。

4/然後拎牙籤,用深藍色甲油喺對眼上面畫返啲睫毛,同埋兩條彎彎哋嘅眉。

5/最後用橙紅色甲油,畫個睇見都想笑嘅咀就得喇。


內容延讀:

搶先曝光!唔係食玩-全港首間 蛋黃哥點心

【5條問題即測!】你係邊個Sanrio明星

蛋黃哥

Step by step:

1/先用奶黃色甲油做底色,然後用白色甲油,畫個類似雲同蛋白嘅物體。

2/用鮮黃色甲油,喺蛋白上面畫蛋黃哥個身。

3/之後用黑色甲油綑邊。

4/畫埋對眼同個口,然後用白色甲油填返個口。

5/幫蛋白位置補多層白色甲油就可以喇!

Finish Look:

 

Minion

Step by step:

1/搽深黃色甲油做底色。

2/然後用銀色甲油,畫兩個灰色圓圈,做minion副眼鏡。

3/用棉花棒點啲白色甲油,喺灰色圓圈上面印個圓圈。

4/再用黑色甲油畫眼珠。

5/準備1條好幼嘅膠紙。

6/將膠紙貼喺近住甲邊嘅4分3位置,然後將甲邊油成深藍色。

7/準備1支飲管剪開其中一邊。

8/用飲管邊,印上黑色嘅微笑就完成。

Finish Look:

Step by step:

1/搽咗奶黃色甲油做底色之後,喺甲面右下角,用黑色甲油畫個方方哋嘅圓形,做熊本熊塊面。

2/喺上面畫兩個細圓點做對耳。

3/用白色甲油,喺塊面中間畫個扁嘅圓形。

4/跟手喺上面畫埋對眼。

5/然後用粉紅色甲油,喺塊面上畫兩個紅卜卜嘅面珠躉。

6/用白色甲油畫兩條眉,同埋幫對耳填色。然後再用黑色甲油畫眼珠。

7/再畫埋個鼻同個咀。

8/最後可以喺指甲其他位置,畫啲紅色波波,成個look就更加可愛喇!

Finish Look:

Step by step:

1/喺近甲邊位置痴條膠紙。

2/將膠紙以上嘅部分油紅色甲油。

3/然後畫條V字紅色斜線。

4/再用白色甲油,圍住紅色甲邊畫條橫線。

5/最後喺啲線中間,痴返兩個心型閃石加粒金色珠仔,咁就似晒美少女戰士件水手裝啦!

 
內容延讀:

搶先曝光!唔係食玩-全港首間 蛋黃哥點心

【5條問題即測!】你係邊個Sanrio明星

There are 5 comments

Add yours
  1. 新Monday / 萬聖節扮甚麼?平買20件萬聖節服飾

    […] 決定了沒有?萬聖節服飾穿甚麼好?又是鬼怪或骷髏骨頭?沒甚麼新意,倒不如今年扮下可愛或型格的角色扮演,H&M萬聖節系列有黑兵、大白鯊,女生可變身可愛獨角獸及黑白熊貓,玩味最濃的是「大隻佬」猛毒蜘蛛俠衫,一穿變大隻,真的笑到有腹肌。還有個藍色假髪及眼鏡,睇片學化妝變阿愁,簡單出位術。還有平牌Halloween小物,10件應節必買。 […]


Comments are closed.