係咪籃迷賽前都必讀！10大NBA總決賽冷知識
冇錯，講緊嘅就係本年度NBA總決賽，7場4勝系列賽將於星期五（早上9時）揭開序幕。
東邊，係「回家」首年即帶領騎士殺入總決賽嘅LeBron James。
西邊，係今年最炙手可熱嘅應屆常規賽MVP（最有價值球員）Stephen Curry。
兩位狀態正處生涯巔峰嘅球星，各自背負住整個城市嘅希望，各自有未完成嘅責任，各自有需要為自己正名嘅挑戰。
成王敗寇，結果總有一方落敗，但絕不能就此抹殺任何1隊一路走來所付出嘅努力，今次同大家回顧季後賽進程之外，重有預測分析同兩隊嘅季後賽冷知識，等大家一齊做足準備，迎接呢場「巔峰對決」。
text – Lok（ig：loklokb1021）
金州勇士 NBA一隊擊殺之路
相隔40年，金州勇士再次闖進NBA總決賽，你能唔能夠想像到成個城市有幾期待呢個冠軍？Klay Thompson嘅單節37分神跡、Curry嘅MVP級表現依然歷歷在目，「浪花兄弟」嘅爆發令勇士整個球季以67勝15敗完成，喺強隊林立嘅西岸及聯盟排名第1，亦係NBA歷史上第10隊取得67勝或以上嘅球隊，而喺佢哋之前嘅9隊球隊入面，就有7隊奪得當年總冠軍。值得一提嘅係，勇士嘅季後賽之路，咁啱就係面對本年NBA一隊嘅所有成員，唔計Curry自己，已經擊敗Anthony Davis嘅塘鵝、Marc Gasol嘅灰熊以及James Harden嘅火箭，剩低嘅就係LeBron James嘅騎士，如果贏埋就會完成NBA一隊全擊殺嘅壯舉（我最期待的畫面出現了）。
X-factor： Draymond Green
1個第2輪選秀，1季內成為球隊嘅重要工兵，唔止有精湛嘅防守技巧，外線能力同傳球等各方面都唔差，令勇士有更多戰術陣容上嘅變化，由1個只係第3年打NBA嘅替補球員，變成打滿82場嘅正選大前鋒，佢就係Draymond Green。 睇埋季後賽，Draymond Green先後遇上嘅有Anthony Davis、Zach Randolph、Marc Gasol、Terrence Jones、Josh Smith等強橫內線，但竟然交出比常規賽更優秀嘅成績，平均14分10.8籃板5.3助攻1.7偷波1.2封阻，直頭係勇士贏波嘅關鍵，總決賽佢喺攻防兩端嘅表現，將會直接影響勇士嘅奪冠機會。
2. Stephen Curry成為第31位打入NBA總決賽嘅當屆常規賽MVP，過往常規賽MVP成功奪得總冠軍嘅次數為22次。近4年有3位MVP打入NBA總決賽，過去兩次正正就係當時效力熱火嘅LeBron James。
5. Stephen Curry係NBA史上首位NBA最佳陣容成員於季後賽中每個回合，都面對着其餘NBA最佳陣容成員所屬球隊嘅球員。
下頁到騎士分析！
內容延讀
＞【率先拆解】瘋狂障礙跑Crazy Inflatable Run吹氣機關
＞女生必學！5個「型不甩」運動髮型BY HIDY BOBO
＞【王麗雅】1場讓人捨不得跑完的馬拉松
克里夫蘭騎士 大帝的正名
至於大帝所率領嘅騎士，今季交出53勝29敗成績重返季後賽，繼2010年後再度登上中央賽區王座，喺東岸亦成為第2種子。其實LBJ決定「回家」，明顯係想幫自己洗底，當年佢加盟熱火組成三巨頭之餘，更喺媒體前做咗個電視節目宣布離開，傷盡克里夫蘭球迷嘅心，自此形象一落千丈。 雖然今季都係同Kyrie Irving、Kevin Love組成新三巨頭，但季後賽中兩者都相繼受傷（Kevin Love更係膊頭甩臼整季報銷），所以某程度嚟講，LBJ都係靠一人之力撐起球隊，但東岸季後賽路程上敵對威脅不大，打入總決賽係「合理」，面對勇士先係真正正名嘅機會。
X-factor：Tristan Thompson
季初Kevin Love空降克里夫蘭，大家都知道Tristan Thompson肯定會失去正選位置，但結果佢於球隊中嘅價值不跌反升，尤其喺Kevin Love傷出後，更擔起重任，喺對戰公牛嘅系列戰中，上場時間飆升至37分鐘，而佢嘅表現亦隨之愈來愈好，之後兩個系列嘅平均籃板都超過11個，對鷹隊時，更將對方主將Paul Millsap壓至只得13.8分7.8籃板。 Thompson雖然冇Love嘅進攻能力，但佢嘅搶籃板能力非常出色，唔止鞏固防守籃板，進攻籃板更加係佢喺進攻端貢獻最多嘅武器之一，季後賽14場平均每場4個進攻籃板，連Dwight Howard、DeAndre Jordan等內線怪物都比唔上佢，進入總決賽，騎士要贏就必須有佢嘅內線貢獻。
5. 本屆將有兩位澳洲球員爭奪NBA總冠軍，分別係騎士嘅Matthew Dellavedova同勇士嘅Andrew Bogut。
你又睇好邊隊？
內容延讀
＞《新MONDAY》跑步感動企劃 RUN2CONNECT~失明篇
＞女生必學！5個「型不甩」運動髮型BY HIDY BOBO
＞【王麗雅】1場讓人捨不得跑完的馬拉松
[…] ＞籃迷賽前必讀！10大NBA總決賽冷知識！ […]