【轟隆轟隆嗚嗚!】日本萌爆 動漫列車 完全睇

生活

廣告

日本一向都係香港人熱門旅遊地點,再加上日圓係咁跌,去shopping買嘢就好似自動打咗折咁,又不時有平機票,有咩辦法唔衝去?唔少人去日本除咗購物,就必定會去坐坐佢哋嘅特色列車,因為款式好多,懷舊、先進嘅都可以搭到,向來都係鐵路迷常去嘅朝聖之地。重經常推出期間限定 動漫列車 ,好似近排靜岡鐵道嘅《櫻桃小丸子》 動漫列車 喺上月尾正式通車,整部車都係粉紅色好卡娃兒呢!見咁熱鬧,今次就為大家整合咗嚟緊呢段時間去日本重可以搭到啲咩限定 動漫列車 ,等你班日本粉去旅行時,又多啲好去處選擇喇!

text-Jessie

Q爆《櫻桃小丸子》 列車

今年小丸子卡通放映滿25年,台北而家舉行緊小丸子25週年特展,日本當然都有推出限定 列車 贈慶啦 。卡通講小丸子係靜岡縣清水市人,佢出沒嘅地方大部分都係喺新清水站附近。為慶祝小丸子卡通放映25週年以及清水夢幻廣場「小丸子主題館」設立15週年,「株式會社Dream Plaza」、「靜岡鐵道株式會社」、「靜岡市政府」共同推出小丸子 列車 活動。由今年7月27日行至2016年7月26日,每日13班從新靜岡站到新清水站間。

列車 車身粉紅色,車頭有小丸子車長圖案,車身有小玉、花輪等同學仔,重有旅遊景點圖案。喺「新靜岡」、「狐之崎」同「新清水」3站,更特設多個角色展板影相位。

 

 

 

型爆 新幹線EVA限定列車

早前我哋報道過為咗紀念山陽新幹線通車40週年,由2015年秋天至2017年3月,《新世紀福音戰士》將會同JR(日本旅客鐵路株式會社)crossover,推出「新幹線:エヴァンゲリオンプロジェクト(Evangelion Project)」,改裝其中1列500系新幹線 列車 成為「500 Type EVA」。呢列外形參照初號機設計嘅新幹線 列車 ,將會行走博多往來新大阪。

查詢:www.500type-eva.jp/#present

 

真實到爆 Thomas火車

上年靜岡縣大井川鐵路,就引入Thomas火車真實版,根本就好似由卡通片跳出嚟咁真實。火車採用蒸氣機火車頭拉動。上年反應非常熱烈,所以今年再度添食,6月7日至10月12日嘅公眾假期、暑假、星期六及日本公眾假期運行。除咗有主角Thomas,重會加入佢朋友James。

不過想搭唔係咁易,佢只接受網上購票,並需於 列車 出發125日前至2日前喺網上訂定票,先填好網上訂票表格,如果人數太多就會用抽籤方式,另行通知。即係4個月前就可以開始訂定,如果唔一早一齊搶,睇嚟都幾難買到。但係坐唔到,都好值得粉絲去捕捉影下相,因為 列車 同卡通、模型真係一模一樣。

票價:成人2,720日圓(約港幣$170)、兒童1,360日圓(約港幣$85)

查詢:www.oigawa-railway.co.jp/

內容延讀:

率先入場瘋狂影! SANRIO年度盛事 18個必跟影相位

明星追捧,人體藝術 !不可不知的6位 名人紋身師 !

本土氣息濃到爆 熊本熊 列車
向來搞作多多嘅熊本熊,佢嘅工作就係推廣熊本縣,所以喺熊本懸當然周圍都會見到佢嘅蹤影。縣內就有兩架以熊本熊為主題嘅 列車 行走,分別係 2014 年 3 月開始行車嘅「熊本熊電車」,同2012年7月開始運行嘅「熊本熊 列車 」,暫時都重有得搭,但當然早去早着,早坐早享受。

「熊本熊電車」由熊本電氣鐵道所經營,主要來回「藤崎宮前駅」同「御代志駅」。外觀係懷舊 列車 ,車頭同車尾都有大大個熊本熊圖案。電車會喺路面行走,喺大街同民居間穿插,坐熊本熊 列車 遊熊本縣,本土氣息濃到爆呀!

而「熊本熊 列車 」就行可愛路線,由肥薩橙鐵道所經營,來回「熊本駅」同「川內駅」間,車內有好多熊本熊布置,其中1卡重有隻等身熊本熊坐喺度添!不過佢每日行走班次幾乎都唔一樣,要check清楚。
查詢:www.hs-orange.com/kumamon/

 

保育到爆 真企鵝 列車

日本三重縣繼2009年開始邀請志摩海洋世界企鵝當站長後,志摩海洋世界今年再同近畿日本鐵道合作,推出限定企鵝 列車 ,路線由志摩線嘅鳥羽站至賢島站,車程約30分鐘。乘客可以近距離同4隻小企鵝一齊搭火車。期間重會有養殖員喺車廂內講解企鵝小知識,保育意味濃。

目前推出6個場次:6月13日、10月24日、11月29日、12月12日,2016年2月21日,及3月26日。

票價:成人 7,850-9,100日圓(約港幣$491-$569)、兒童 4,670-5,290日圓(約港幣$292-$331)

只能喺各近鐵轄下車站預約報名。每班 列車 限額150名。

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

There are 5 comments

Add yours

Comments are closed.