成為IG達人嘅10個呃like絕招!多78% likes竟然靠…

熱話

廣告

呢個係網上「呃」…sorry,係賺like嘅時代!不過近排好興講「不誠實使用電腦」,如果唔想被人話你用《Photoshop》、《美圖秀秀》執相造假,其實可以「真材實料」,由相片嘅構圖同內容着手經營。有機構就對過《 Instagram 》ig 8百萬位用戶進行研究,由佢哋嘅海量相片同文字得出以下10個ig「呃like」絕招,吹水?睇下人哋,再睇下自己個ig account有幾多人like,就知道我哋無呃你囉!(中秋節影咗嘅相都唔係follow呢10你rules?睇睇crop下相同加下filter有冇得救!)

Text-專題組

1. 人人喜歡藍 多24% likes!

好多人以為又sharp又醒神嘅鮮艷顏色如紅、橙、黃(圖左)等係最多人like嘅,no、no、no!根據研究發現,以藍色做主調嘅相片(圖右),會較其他顏色多24%「likes」。唔怪得影下天、影下海都會咁多人like啦!你尋晚影supermoon個陣,又有冇加番個藍filter呢?

 

2. ig相要有主色調 多17% likes!

相片唔止要有主體,就連顏色都要有主色。研究話,如果主色調佔相片40%以上,就會更多人like;相反,花碌碌嘅相片就冇乜人鍾意。圖左主色調較圖右單一,所以都比圖右多17%「likes」喇。

 

3. ig色彩要夠柔 多18%!

或者因為而家啲螢幕色彩太豐富,反而令ig用戶比較鍾意飽和度偏低嘅相片,當中更不乏黑白相,唔怪得黑、白永遠都係主流顏色,望落重有1份隨意嘅「型」添,梗多人like啦!

內容延讀:
最新Minions短片 Jerry同Stuart玩爆核彈?
率先詳細睇!Kuromi展5大必玩區

4. 背景緊要過主體? 多29% likes!

喺平面設計有個術語叫「留白」,即係唔填滿晒張畫紙或背景,可增加設計協調感覺。原來相片都係一樣,研究指出,相片有背景嘅比冇背景嘅多29%嘅人like,因為背景唔止講出拍攝嘅時間、地點,做可以突出主體,起到襯托主角嘅作用,睇落又自然順眼晒!

 

5. 光好過暗是ig常識吧 多24% likes!

光嘅相比陰暗嘅相多24%嘅人like,原因好簡單:睇得清嘛,like都like得有理由啲!大家upload相上《 Instagram 》都係想分享啫,黑媽媽叫人點睇呢?不過,過度曝光一樣冇人like…呢點都係要注意!

 

6. 文字有「價」 最勁!多78% likes

大家都以為而家個個只係鍾意睇相,唔會睇字嘅時候,ig研究就話你知:「你錯啦」!原來寫下文字詳細介紹相片,會較簡單文字描述或冇描述嘅相多78% 「likes」,所以想多人like,就絕對唔可以懶囉!

先綜合以上6點,就會得出阿凡達同叮噹嘅selfie ig一定最多人like!

不過大家喺現實生活中無可能遇到阿凡達同叮噹(相信大家亦唔會係阿凡達)影ig,咁唯有揀啱主角,like數就自然會有增冇減。

內容延讀:
最新Minions短片 Jerry同Stuart玩爆核彈?
率先詳細睇!Kuromi展5大必玩區

7. BB最cute最多人like!

現實世界BB仔萬千寵愛在一身,連喺網上世界都特別多人like。研究指出,BB仔嘅笑同瞓覺ig相最多人鍾意,而大喊包就會少啲人like喎!

 

8. 賣萌貓狗一樣多like!

有BB,你都估,到定要有埋貓狗星人。要阻止強國人食狗,可以俾《 Instagram 》佢哋睇,事關上面有好多萌爆嘅貓仔同狗仔,cute到like數會直線上升,咁可愛邊食得落㗎?

5題測你邊類華麗上班族!圓滑世界仔定只求安穩型?

9. 抗葡萄!靚景一樣讚

「葡萄友」最憎係睇其他人嘅旅行相,唔係因為相片冇主題,而係自己冇得去。不過有一類旅行相好多人like,就係大師級旅行相。呢類相片景色一定靚,而且隨時整個旅程都只為去捕捉嗰一瞬間,相比起嚟,like數只係少少嘅回報,下次咪咁孤寒喇。

 

10. 三點式最吸睛

當bikini女郎配上陽光與海灘,like數邊有得輸?不過唔好以為撳like嘅一定係男士多過女士,有唔少相都係7:3或6:4,或者唔少男士都驚另一半知佢睇過bikini女郎照,所以齋睇唔俾like啩!

Instagram如何幫助IG帳號被盜用問題?

有鑑於Instagram帳號被盜用問題日益嚴重,Instagram官方日前推出「安全檢查(Security Checkup)」新功能,官方提出以下5個檢查小教學,讓用家可以…詳情請看

Instagram最強烈建議做什麼行動?

在Instagram帳號被盜用前題下,IG官方強烈建議啟用…詳情請看

There are 6 comments

Add yours
  1. 新Monday / 治癒系喵星人!不能抗拒follow的9隻ig喵神

    […] 假期多是會讓人有點心散的,集中不到精神,不如先看一下治癒系喵星人賣萌,看後心情都好起來。一次過follow足足9個ig最紅的喵星人,牠們的粉絲一定多過你和我,3百多萬呀,買fans?一定無需要啦,靠萌樣已經可以,更重要的是,牠們百分百天然兼各有各特色,看後一定能減壓!聞說喵星人有縮骨功異能,因此尾頁更有喵星人表演入樽、入盒,不能不看! […]

  2. 新Monday / 立即追蹤!你一定要識的9位星馬泰IG潮女

    […] 現在無論甚麼時候,女生總會拿着手機自拍,然後放上社交網站「呃like」,身為女生的小記自拍照就比較少上載,反而會常常打開《Instagram》看看ig潮女的打扮!當然不只看香港女生,還會去搜尋其他亞洲地方的潮女,吸取全亞洲各女生的衣着打扮精華,讓自己成為城中潮人。就以近日紅爆網絡的馬來西亞明禎(ig:minchen333)為例,樣子可人,又有腹肌,還推出唱片,俘虜了不少少男心呢!除了明禎,東南亞還有哪些潮女值得follow?現在立刻為大家推介9位一定要follow的星馬泰IG潮女! […]


Comments are closed.