打得又睇得! 10大世界最索羽毛球員

女生

廣告

好多人都講,閒時有運動嘅男女特別容光煥發,運動嘅靚女又加10分。好似近期大熱電影《全力扣殺》入面,過氣羽毛球天后吳久秀(何超儀),一攞番起塊拍,即時靚晒後生晒,連自信都返埋嚟。現實嘅羽壇呢幾日亦熱烘烘,好多社交平台都被1位叫「格羅婭」嘅球手洗版。除咗有超索外貌,佢重係清朝政治家兼大文人康有為嘅曾孫,係真正嘅blue-blooded羽毛球公主。

其實世界羽壇打得又睇得嘅運動員真係好多,我哋揀嚟以下10位靚仔靚女羽毛球手,佢哋個個他日退役之後,都可以進軍荷里活做明星!

text-專題組

 

格羅婭(Gronya Somerville)
國籍:澳洲 年齡:20歲 最高世界排名:第212位(現時)

呢位索爆羽壇嘅澳洲籍球手,因為今年世界羽毛球錦標賽喺東莞上演而成為全場焦點!除咗因為佢標致嘅外貌,重因為佢太爺係清末推行「百日維新」嘅康有為,所以就算佢球技一般,但觀眾嘅目光都好自然放咗喺佢身上。

 

格羅婭媽媽係愛爾蘭人,爸爸係中國人,前幾日先至過咗佢嘅20歲生日。

 

格羅婭爸爸6歲時隨家人由廣州移民到澳洲,之後娶咗愛爾蘭妻子。但佢爸爸喺格羅婭好細個時已經去世,佢由媽咪口中知道自己嘅顯赫家世。

 

格羅婭除咗鍾意羽毛球,重參加過內地1個《紅樓夢》電視劇嘅全球海外角色選拔賽添!

 

潮田玲子
國籍:日本 年齡:31歲 最高世界排名:第8位(2011年,混雙成績)
樣子甜美嘅潮田玲子,已被封為「國民偶像」,佢喺商業贊助活動嘅曝光率重多過羽毛球場,但其實球場上嘅成績一啲都唔差!佢喺2012年退役,並於同年嫁俾足球員增嶋龍也。

 
內容延讀:

先睇10大日本熱血運動漫畫

再嚟落場玩poolsoccer

鮑春來
國籍:中國 年齡:32歲 最高世界排名:第2位(2007年)
最有明星相嘅羽毛球手,鮑春來敢認第2,冇人敢認第1!2011年宣布退役嘅佢,唔止靚仔,1.88米嘅身高已經令佢成為萬人迷。佢而家擔任緊內地綜藝節目主持,逐步行近鎂光燈下。

 

金荷娜
國籍:日本 年齡:25歲 最高世界排名:第6位(2012年,女雙成績)
同韓國女星同名同姓嘅金荷娜,絕對有力挑戰藝能界,嗰對長腿更係焦點所在!

 

內容延讀:

先睇10大日本熱血運動漫畫

再嚟落場玩poolsoccer

基特(Peter Gade)
國籍:丹麥 年齡:38歲 最高世界排名:第1位(1998年)
喺2012年退役嘅基特,曾經喺羽毛球場上叱咤一時,但令更多人着迷嘅,係佢電死人嘅眼神!

 

高橋沙也加
國籍:日本 年齡:22歲 最高世界排名:第11位(2014年)
樣子清秀嘅高橋沙也加係技術型球員,唔單止靚女,佢打波靠頭腦得分多過用蠻力,難怪成績穩定,同時成為日本愈來愈多人注意嘅青春女運動員之一。

 

李宗偉
國籍:馬來西亞 年齡:32歲 最高世界排名:第1位(2008年)
打波打到做大馬拿督嘅李宗偉,未必算係好靚仔,但佢同相識15年嘅太太喺2012年結婚,加上同「最終宿敵」林丹鬥個你死我活嘅拼搏,足以用「man爆」去形容!

.

https://www.youtube.com/watch?v=DfHTHihx6Gs

 

內容延讀:

先睇10大日本熱血運動漫畫

再嚟落場玩poolsoccer

陶菲克(Taufik Hidayat)
國籍:印尼 年齡:33歲 最高世界排名:第1位(1998年)
樣子陽光開朗嘅陶菲克,係個技術全面嘅球手,喺印尼屬「男神」級,喺國外一樣有好多fans,可惜佢喺2013年宣布退役,大家難以再親眼目睹佢喺球場上嘅英姿!

 

謝杏芳
國籍:中國 年齡:33歲 最高世界排名:第1位(2005年)
曾經係「世界一姐」嘅謝杏芳,歷年嚟喺多項賽事勇奪無數國際賽事金牌,而且天生靚女加model身材,真正睇得又打得。亦因為咁,佢先可以俘虜「羽壇一哥」林丹嘅心,當年被稱為羽壇「金童玉女」,佢哋重喺2010年結埋婚,而家好幸福咁做緊社會學系研究生。

 

林丹
國籍:中國 年齡:31歲 最高世界排名:第1位(2012年)
攞金牌攞到手軟嘅「超級丹」,唔止球技出眾,輪廓分明嘅佢笑容甜美,身形健碩,尤其係佢嗰2條「人魚線」,連男人都流晒口水。不過林丹已經「名草有主」,各位女士都係睇下就算,唔好太多幻想……

 

最後當然唔少得吳久秀啦!雖然身形曾經又肥又腫,但當佢要發憤打波嘅時候,手感、技術都返晒嚟!