趕唔切動漫節着都要訂製 adidas STAR WARS 白兵、黑武士上腳

波鞋

廣告

除咗麥浚龍嘅〈耿耿於懷〉3部曲令人苦等10年之外,今年重有另外嘢嘅令人苦等10年,所講嘅係《星球大戰》(STAR WARS),距離對上一次前傳3部曲完成至今已經有10年,年尾終於都上映系列第5部,在此之前大量相關週邊瘋狂推出,熱話除咗唐高宗變身絕地武士之外,就係adidas customize功能「adidas mi」中嘅 adidas STAR WARS 限定系列,一直從外國網站汲取有關資訊,以為又係外國限定(因為香港官網冇),原來!香港京士頓街旗艦店都已經引入咗呢個 adidas STAR WARS 系列,所有外國網玩到嘅嘢都有,包括最令人瘋狂嘅黑武士及白兵鞋踭、鞋帶扣、金銀西瓜頭等大量元素,落完單3個星期有得拎,不過想趕今年動漫節着就趕唔切,又不過,去完動漫節去訂就fit晒(一樣港島區吖嘛)!價錢不過$1,299(ZX FLUX及Superstar),即上adidas美國官網試mi完落鋪訂!

text – Jer

即睇 adidas STAR WARS 解構

成件事最搶眼梗係ZX FLUX嘅立體黑武士及白兵後踭,如果搵個同size friend一齊訂造,然後鴛鴦一邊黑武士一邊白兵,你話係咪招積先!

 

 

 

而Superstar款則可以換金屬色鞋頭。

 

 

其餘 adidas STAR WARS 限定有趣features重有鞋底印花。

 

 

與及鞋帶扣。

adidas Originals CONCEPT STORE 銅鑼灣京士頓街6B號鋪 2504 2186

 
內容延讀:

>有得整鞋,唔使耿耿於懷!Juno點止愛情三部曲,重有3首嚟緊

>今期特別版有 Juno羅生門唱紅Hello Kitty摺櫈

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!